Makigbalik o di?

Dear Noy Kulas,

Good day, Noy Kulas. Ako si Me-Ann, naa na sa Mindanao nagpuyo. Akong problema kabahin sa akong kanhi ka live-in nga akong gibiyaan kay bisyuso. Drug addict, babaero ug sugarol og tigbakay, Noy.

Di man siya manapat, Noy, pero iresponsable kaayo kay ang tanang kwarta nga iyang kita sa trabaho ug manok, sa bisyo ra mopadung. Kaming duha pulos mi dunay work, pero ako ang tanang Gasto. Mahala baya diha sa Cebu mao nga namiya sa mga bata kay mosamot kalisod ang among situation diha.

After more than a year, naninguha na siya nga magkabalik mi. Niari gani siya sa amoa sa Mindanao aron makig-meet namo. Wa ko makig-atubang niya, pero ang akong parents maoy nakig-estorya niya. Wa na ko ganahi makig-talk niya kay kadaghan na niya buhata nga mo-promise mag-usab pero way nahitabo. Love pa nako siya, pero akong gibutang nga mag-practical ko.

Until now, nagsige pa siya og hangyo nga magbalik mi ug mag change siya. Noy, unsa may akong buhaton aron makatuo ko sa iyang gisulti? Tininuod na kaha ning iyang gisaad karon? Please tambagi ko.

ME-ANN

Me-Ann,

Usa sa maayong pagsukod nimo ana mao ang pagpapuyo nimo niya diha sa Mindanao. Kon willing siyang mag-usab, magpaluyo siya sa ilang lugar diin mas sayon niyang molikoy og balik, kana kon tinuod nga wa na siya magbisyo. Ikompirmar sab ni sa iyang mga kabanay aron magiyahan ka usab sa iyang desisyon. Kon moanha siya ninyo, kana nagpasabot nga tinuod ang iyang gisulti.

Demand sab og klarong support from him nga sinuwat gyud aron ang iyang kwarta nga alang sa mga bata mahianha diha. Kay magamit kuno molikoy na sab nya siya sa illegal drugs. Bitaw, sakto ka. Ayaw na siya pahigalama kay kon imo na sab siyang dawaton sa labing sayon, maghatag kana niya og perception nga okay ra ka, sayon rang patangduon. Kon magmagahi ka, motagam na siya. Mas maayo sab kon naa sa inyoha kay kon molikoy, di na ikaw ang molayas, siya na.

NOY KULAS