WBC MOAPELAR SA IOC

Gibanabanang kapin sa 500 ka delegado gikan sa 17 ka mga nasod ang mopirma sa petisyon nga nag-awhag sa International Olympic Committee (IOC) nga ipabilin ang boxing event sa Olympic.

Ang petisyon naumol atol sa WBC Women’s Convention and Asian Summit sa Philippine International Convention Center (PICC) sa niaging adlaw.

Sa nasayran, ang IOC miluwat og pamahayag nga posibling wagtangon na ang boxing sa Olympic tungod sa mga sunodsunod nga kontrobersiya nga mihamok niini ilabi na kalabot sa mga desisyon sa mga judges ug officiating sa mga referees.

Anc chairman sa WBC female championship committee nga si Malte Muller-Michaelis sa Germany nagkanayon nga nag-atubang og hulga nga wagtanong ang boxing sa Olympics tungod sa iregulidad nga nahimo niini nga naglambigit sa AIBA, ang international governing federation.

Apan matod ni Muller-Michaelis nga ang pagwagtang niini sa Olympic dako og epekto sa kaugmaon sa mga boksidor kansang paglaom nga mosilaw ang ilang boxing career nagsandig sa ilang performance sa Olympics nga maoy ilang magamit sa higayon nga mosaka na sila sa professional rank.

“We plan to file a petition appealing to the IOC to retain Olympic boxing,” matod ni Muller-Michaelis.

“In my personal view, I think pros should not be allowed to compete in Olympic boxing. For decades, we’ve seen amateurs transition to the pros through the Olympics. Muhammad Ali, for instance, wouldn’t have been what he was if he didn’t go to the Olympics where as Cassius Clay, he won a gold medal in Rome in 1960. It’s not right for 18-year-old amateurs to fight 35-year-old pros.”