Training camp ni Pacquiao giandam na ni Fernandez

Giandam na ni boxing trainer Buboy Fernandez ang training camp ni Manny Pacquiao alang sa pagpakigbatok niini kang American Adrein Broner karong Enero 19 sa MGM Grand sa Las Vegas, USA.

Matod ni Fernandez nga wala siya’y nakitang problema sa ilahang training camp gumikan kay dili pa lang dugay nga miaway ang Pambansang Kamao sa Pilipinas diin gi-TKO niini sa 7th round si Lucas Matthysse niadto lang Hulyo 15 sa Kuala Lumpur, Malaysia.

Sa interbyu sa www.boxingscene.com, gipasabot ni Fernandez nga dali ra’ng ma-

hibalik ang kondisyon ni Pacquiao ning higayuna hilabi na kay adunay saktong desiplina sa kaugalingon ang fighting senator.

Si Pacquiao kasamtangang naa sa Amerika alang sa opsiyal nga pag-anunsyo sa ilang away ni Broner.

Naghupot si Pacquiao og 60-7-2, 39KOs nga rekord samtang si Broner adunay 333-1, 24KOs nga baraha.

Kini maoy iyang unang away sukad niadtong 2016 diin iyang gilangkatan sa world title si Jessie Vargas pinaagi sa unanimous decision.

Si Pacquiao, kinsa mag 40 anyos na karong Disyembre 17 modepensa sa WBA title nga iyang nalangkat gikan sa Argentine fighter nga si Lucas Matthysse sa niaging buwan sa Hulyo didto sa Kuala Lumpur, Malaysia.

Gituohan nga kini magsilbing tuneup fight sa fighting

senator alang sa iyang pagpakig-rematch batok sa undefeated nga si Floyd Mayweather Jr. nga posibling mahitabo sa Mayo sunod tuig.