Guiao naglibog pa kon kinsa ang pili-an alang sa RP Team

Gihangop nang daan ni Team Pilipinas coach Yeng Guiao ang ‘maanindot nga problema’ inig abot sa higayon nga kinahanglan na niyang ius-os ang iyang dasok sa mga talento nga 20-man pool ngadto sa Final 12 alang sa fifth window sa FIBA World Cup 2019 Qualifiers.

Giangkon ni Guiao nga lisod alang kaniya ang pagbuhi og desisyon kon kinsa’y iyang ipangpaslak sa Final 12 alang sa mga duwa sa Team Pilipinas batok sa Kazahkstan karong Nobiyembre 30 ug batok sa Iran karong Disyembre 3. “I’m pretty sure magkakaroon ako ng problema cutting it down because I’ve really been happy with the way they’ve been practicing,” matod ni Guiao sa interbyu sa Spin.ph. “So of course, twenty sila ngayon. We have to cut down maybe to fifteen, and then finally to twelve before game day, before the Kazakhstan game.” Ang mga sakop sa national pool gipangulohan nila ni JuneMar Fajardo ug Jason Castro, kinsa mao ra ang gibutyag ni Guiao nga segurado na’g luna sa Final 12.

Ang ubang mga sakop sa national pool mao sila si Arwind Santos, Marcio Lassiter, Christian Standhardinger, Alex Cabagnot, Greg Slaughter, Scottie Thompson, Japeth Aguilar, LA Tenorio, Paul Lee, Ian Sangalang, Troy Rosario, Gabe Norwood, JP Erram,

Matthew Wright, Beau Belga, Stanley Pringle, Ricci Rivero ug teenage sensation

Kai Sotto.

“It’s going to be a really hard decision just because of the way they’ve been practicing. Good problem pa din for us. But parang hirap ano eh, hirap mag-cut, ang hirap magdesisyon,” dugang ni Guiao.

“But that’s not totally my decision. Of course, the coaching staff will have a lot to do about that.”

Matod ni Guiao nga inig human pa sa ilang duha ka

tune-up games batok sa Lebanon karong Nobiyembre 23 ug 25 magsugod siya paghunahuna kon kinsa ang iyang kuhaon alang sa Final 12.