Mangayo og tabang ni Gullas

Makigtagbo kang 1st District Congressman Gerald Anthony “Samsam” Gullas ug Mayor Eduardo Gullas ang mga residente sa Sitio Tigib, Barangay Lagtang, dakbayan sa Talisay aron matabangan sila sa problema sa relocation site human naapektuhan sa quarry operation sa QM Builders.

Kini maoy gipadayag ni Nora Abatayo, ang presidente sa mga apektadong residente nga naa sila karon sa evacuation center sa Tabunok Sports Complex.

Gipadayag niya nga dili sila makadawat karon sa bag-ong lakang sa tag-iya sa QM Builders nga si Allan Quirante, nga dili na sila hatagan og relocation site.

Si Quirante, una kini mipahibalo atol sa dayalogo uban kang Gobernador Hilario Davide III, ug mga sakop sa konseho sa dakbayan sa Talisay, ingon man mga mopalit siyag luna nga 1,000 square meters aron balhinan sa 61 ka apektadong residente.

Apan karong bag-og lang si Quirante, mipahibalo nga 23 lang ang iyang abagan sa financial, samtang dili na siya mohatag og relocation site kay tibuok lista di kini apiktado sa iyang Quarry kay ang nahimutang lang sa sapa sila peligro sa baha.

Ang mayoriya sa mga bakwit wala magpuyo sa luna nga iyang gipanag-iya atabang sa quarry hinungdan nga wala na siya labot niini.

Ang QM Builders, nagsuporta sa mga bakwit sukad niadtong Oktubre 1, sa ilang pag-balhin uban sa kagamhanan sa dakbayan sa Talisay mihatag og mga tubig, bugas ug ang Talisay government miatiman pinaagi sa social welfare sa city health.

Matod ni Abatayo, nga daw gilingla sila sa mga sakop sa Task Force Tigid, ingon man sa ubang sakop sa technical working group kay wala nay klaro ang ilang relocation site nga unang nasabutan.

Gusto nilang ika-estorya si Kongresista Gullas ug Mayor Gullas, nga mamaninaw sab nilang mga residente sanglit dili na mao ang dagan sa ilang nasabutan.

“Mura naman mig bata ani duna minutes sa among meeting nga relocation unya usbon napud nila dili mi mosugot bahala,” matod ni Abatayo.