KABATAN-ONAN SA 'CHRIST THE KING'

Libuan ka mga batan-on gikan sa nagkadaiyang parokya sa Simbahang Katoliko sa tibuok Archdiocese sa Cebu ang magtigom karong Dominggo, Nobiyembre 25, sa siyudad sa Sugbo.

Kabahin kini sa ialng pagsalmot sa kapistahan sa Christ the King ug ang pagsugod sa Year of the Youth.

Dungan sa kapistahan sa Christ the King mao na usab ang pagtapos sa Year of the Clergy ug ang pagbukas sa Year of the Youth.

Hinungdan nga tunga sa adlaw nga kalihukan gikan sa alas 2:45 sa hapon hangtud na sa alas 8 sa gabii, ang ipahigayon sa Simbahan Katoliko.

Matod ni Fr. Mark Borneso, chairman sa Committee on Youth, nibutyag nga sugdan ang kalihukan sa usa ka Divine Mercy Chaplet sa alas 3:00 sa hapon sa Fuente Circle, ug sa alas 4:00 sa hapon himuon ang santos nga misa. Alas 5:30 sa hapon sugdan usab dayon ang Eucharistic procession.

Sa procession imbes nga karo nga anaa sakay ang santos, ning higayuna, gipasabot sa kaparian nga ang blessed sacrament ang i-procession padung na sa Cebu Metropolitan Cathedral.

Isip kabahin kini sa pagbukas sa Year of the Youth, diin matod ni Fr. Andrei Ventanilla, ang assistant chair sa COY, nga ang tema mao ang “Filipino Youth in Mission, Beloved, Gifted and Empowered.”

Pasabot niya nga paghatag kini og bili ug pagpakita sa dakung papel sa mga batan-on diha sa pagsabwag sa maayong balita sa Ginoo.

Ug nga bisan pa man sa teknolohiya sa palibot matod sa kaparian nga magamit usab kini aron pag-reach out sa ubang kabatan-unan nga mapaduol sa kahitas-an.

Dugang ni Cebu Archbishop Jose Palma, nga maayo usab kini nga transition gikan sa year of the clergy ngadto na sa year of the youth.

Gipaabot nga gawas sa mga youth, nga nagpangidaron gikan sa 13 anyos ngadto sa 39 anyos, gipaabot nga mosalmot sa kalihukan ang mga bata ug hamtong, ilabi na ang taga dakbayan sa Sugbo.

Kanselado ang mga santos nga misa sa siyudad sa tanang parokya sugod sa alas 3:00 sa hapon hangtod sa alas 7:00 sa gabii, paghatag higayon sa maong dakong kalihukan, maayong panahon o uwanon

Ang kalihukan karong Dominggo, isip pasiuna na usab sa dakung kalihukan ang National Youth Day nga himuon Abril sunod tuig, dinhi sa Sugbo ipahigayon, diin gilantawan nga salmutan sa 15,000 ka mga youth members lukop nasud.