NAPILDE TUNGOD SA UTOT
Daghan og hinungdan nganong mapilde ang tawo sa duwa.
Mahimo kini ibasol sa taktika nga iyang gigamit, dili maayo ang performance o dili lang niya swerte nga modaug.
Apan didto sa Wolverhampton, United Kingdom, sa Grand Slam of Darts, usa ka inilang manuwaay og dart ang nibasol sa utot sa iyang kaatbang nga maoy hinungdan nga siya napilde sa duwa.
Si Wesley Harms, 34, nipasabot nga nibati ang iyang
performance sa duwa human nakatimaho og utot.
Iyang gipasanginlan ang iyang kaatbang nga si Gary Anderson nga maoy nangutot hinungdan nga siya napilde ug niabante sa quarter-finals ang maong kontra.
Iyang gihulagway nga sama sa usa ka nalata nga itlog ang kabaho sa utot sa 47 anyos nga two-time world champion nga si Anderson.
Matod ni Harms sa interview sa Dutch TV station RTL7L nga moabot og duha ka gabii una mawagtang ang baho sa utot nga nipilit sa iyang ilong.
Apan depensa ni Anderson nga wala siya mangutot ug ang baho nga natimahoan ni Harms kay gikan sa lamesa sa daplin sa Aldersley Leisure Village. “If the boy thinks I’ve farted
he’s 1,010% wrong,” sigon niini
sa Sun.”I swear on my children’s lives that it was not my fault.
Siya nisaysay nga sa matag agi niya sa maong dapit makatimaho siya og sama sa nalata nga itlog.