Bagyo ug gugma mipatay

Hinay ang pagpanghasi sa bagyong Samuel nga miigo sa Central Visayas. Kay wa man kaayoy pwersa ang bagyo. Apan gikinahanglan nga dili magmagahi sa ilang ulo ang mga lumoluopyo sa dapit nga giila nga bahaan ug dali modahili ang yuta ( flood prone ug landslide areas)

Hinay ang hangin ug paspas ang pag-irog apan magda og lapad nga uwan. Ang uwan nga gida maoy ibubo ni Samuel moresulta sa mga pagbaha.

Sagdi lang og magusbat ug mawagtang ang mga kabtangan basta luwas lang ang kinabuhi sa katawhan.

Gani sugod kagahapon, Nobiyembre 20, ug hangtod karon gipahibawo nga way mga klase ang tanang hut-ong sa elementary ug high school.

Samtang duna nay mga suspek ang kapulisan sa kamatayon ni Cristina Jayson, usa ka nurse sa call center ug nagpuyo sa Barangay Bacayan siyudad sa Sugbo.Apan wa hinganli ni Cebu City Police Chief Royina Garma, ang duha ka persons of interest nga maisip nga suspetsado sa krimen.

Sa atong nahibaw-an ang kanhi uyab ug ang uyab karon sa babaye ang buot ipasabot sa kapulisan.

Giingon nga sa wa pa ang birthday ni Cristina nakigkita kini sa kanhi niini uyab. Ug ang biktima gipatay mga ala una sa kaadlawon pipila ka

oras sa pagsaulog sa iyang birthday.

Unsa man nagselos ang bagong uyab kay gasigi pa sa sekretong relasyon sa kanhi niini uyab?

O nasuko ang kanhi uyab nga uyab pa sa biktima tungod sa kaselos ngadto sa bag-o niining uyab?

Matod pa sa kapulisan ang motibo mao ang crime of passion . Love triangle . Sa ato pa, too much love will kill you.

Delikado diay ning mag-uban ang gugma , kalagot ug kasuko tungod sa pagpanglingla.

Gani sa kaminyoon naa may magtiayon nga nagkuyog sa panimalay tungod nalang sa mga anak kay wana magkasabot. Apan anaa nay tagsatagsa ka mga hinigugma. Nga nagkasinabtanay sa kahimtang sa ilang kinabuhi.

Email: efrenlonzon71@ gmail.com Text: 09235562777

Sagdi lang og magusbat ug mawagtang ang mga kabtangan basta luwas lang ang kinabuhi sa katawhan.”