As high as the heavens
Gilingaw ko na lang ang akong kaugalingon sa paghunahuna nga someday ako ang ikauban ni Rommel sa tibuok kong kinabuhi, nga ako ang pakaslan ani. Hangtod nga nakatulog ko.
Pagka ugma kay Sunday man, nakig-date si Rommel nako. Aw, misugot dayon ko kay di ko gusto nga mahiubos siya nako. Nagkita mi sa downtown ug nag-lunch mi sa usa ka fast food. Malipayon kaayo ko kay gikauban ko na sab ang akong boyfriend.
“Manan-aw tag sine gikan dinhi, Sheena.”
Wa dayon ko makatubag. First time pa kini nga makigpanan-aw og sine si Rommel nako sukad kami nagkarelasyon five months na karon. Gikuptan niya ang akong kamot nga gipatong ko sa ibabaw sa lamesa.
“Don’t tell me nga balibaran ko nimo, Sheen?”
“Ha? Di, uy!” Misugot ko kay morag dunay kahiubos ang tingog ni Rommel.
Nindot kaayog smile ang akong boyfriend. Nahunahuna ko nga kinahanglang ipakita ko niya nga duna koy dakong pagsalig kaniya aron iyang mahunahuna nga angay gyud ko nga iyang higugmaon.
Sa balcony mi nanglingkod si Rommel. Nakapangyugpos ko kay bugnaw kaayo ang among nahimutangan. Giagbayan ko ni Rommel. Unang higayon pa kini nga mikuyog kog lalaki sa pagpanan-aw og sine. Wa ko kalikayi nga gikulbaan ko. Unya gikuptan ni Rommel ang akong suwang ug iya kong gipaatubang kaniya. Nangurog ko dihang midapat ang lips ni Rommel sa akong mga ngabil. First time pa kini nga nahagkan kog lalaki sa akong lips.
Gigakos kog hugot sa akong boyfiend. Wa na koy nahimo, wa ko makasupak sa gusto ni Rommel kay morag gibati ko na ang kahinam. Lihokan kaayo ang kamot ni Rommel. Bisag asa na lang kini manghikap sa akong lawas. Usahay makaagulo ko.
Wa koy tingug-tingog dihang nanggawas na mi si Rommel sa sinehan. Nag-agbay siya nako. Malipayon kaayo siya. Usahay magkatinan-away mi. iya kong pahiyoman. Gikusi ko siya sa kilid.
“Ikaw, ha!”
Nahikatawa na lang ko kay gihagkan ni Rommel ang akong aping.
“Basig manugilon ka sa imong mga barkada, ha, Rom?”
“Di na mahitabo, uy, Sheen. Di ko ipanugilon ang atong gibuhat sa sulod sa sinehan.”
Malipayon kaayo ko nga mipauli niadtong adlawa. Nagkusmod si Sandra nga nagtan-aw nako.