Kapin sa P1M drugs nasakmit; hayan kauban ra sa P39M

Si Superintendent Michael John Deloso, deputy chief sa Regional Police Strategy Management Unit (RPSMU) sa Police Regional Office (PRO)-Northern Mindanao, nakaangkon og daghang mga samad pinusilan sa nagkadaiyang bahin sa iyang lawas.

Dali siyang gidala sa Northern Mindanao Medical Center (NMMC), pipila ka metros gikan sa crime scene.

Si Deloso nagmaneho sa iyang puti nga Nissan van gikan sa regional headquarters dihang gipusil sa wa pa mailhing gunman mga alas 9:45 sa buntag.

Si Superintendent Surki Serenas, tigpamaba sa PRO-Northern Mindanao, niingon nga si Deloso wa malambigit sa illegal drugs.

Kapin sa P1 million nga balor sa illegal nga drugas nasakmit sa buy bust operation sa Carbon police station gikan sa usa ka 24 anyos nga lalake sa sitio Bato, Barangay Ermita, siyudad sa Sugbo pasado alas 11 sa gabii sa Lunes, Nobiyembre 19.

Ang mga nangadakpan giila nga silang Christopher Bolo, alyas Toping, nagpuyo ra usab sa maong dapit ug ang iyang kauban nga si Michael Beldad, 18.

Nakuha gikan kanila ang 86.8 gramos nga gituohang shabu nga gibana-bana nga mobalor ang tanan og P1,024,240 sa Dangerous Drugs Board (DDB) value.

Taod-taod nga gipanid-an sa Carbon police station ang illegal nga negosyo ni Bolo hangtod nga ilang nasuta mihimo dayon silag buy bust operation.

Matod ni Chief Inspector John Kareen Escober nga adunay nasagol nga lagum nga kolor sa shabu ang ilang nakuha nga iyang gituohan nga kauban sa kapin 3 kilos nga nasakmit sa kapulisan sa Barangay Tisa.

“Murag sumpay ni sa P39 million nga nakuha kay naa may lagum nga stock pero didto man daw ni mo kuha sa tejero,” matod ni Escober.

Si Chief Supt. Debold Sinas hepe sa Police Regional Office 7 nagkanayon nga daghan pa kaayo ang illegal nga drugas sa Central

Visayas nga gituohan nga gikan sa kaulohan ang supply.

Matod niya nga wa pa silay na monitor nga shabu laboratory sa Central Visayas apan wa siya mokompyansa.

“So far, sa among monitoring wala pa tay shabu lab dinhi, pero pwede nga masayop ko basin naa,” matod ni Sinas.

Nagtuo siya nga ang kolor yellow ug brown nga supply sa drugas nga naabot sa Sugbo susama ra og epekto, apan nagkuwang lang sa proseso.

MANILA

Niadtong Lunes, si Cebu City Police Director Sr. Supt. Royina Garma nagtuo nga ang drugas nga gipakatap sa Metro Manila naabot na dinhi sa Sugbo kay susama kinig panagway sa mga nasakmit sa kapulisan didto.

Lakip sa ilang nahibaw-an nga ang awto nga Toyota Vios nga nakuha usab gikan kang Jeffrey Cabaron, kinsa nakuhaan sa P39 milyunes nga shabu nakarehistro sa Quezon City, nagpasabot nga didto kini gipalit.

"Medyo semilar sa profiling sa most of the drugs na nahuli sa Luzon most likely naka abot dito yung supply ng luzon" matod ni Sr. Supt. Royina Garma. /

/ ARNI ACLAO ■ PROTESTA: Mga 100 ka mananagat ang nanagprotesta sa tukoron nga international port sa dakbayan sa Talisay. Ang groundbreaking sa P10 bilyones nga Cebu South Harbor and Container Terminal Corporation gipahigayon sa Martes, Nobiyembre 20, sa fishport sa Barangay Tanke. Estorya sa pahina 2.