Laing Rupinta midumala sa Barangay Ermita

Usa ka tuig human gipatay si Ermita barangay captain Felicisimo “Imok” Rupinta, laing Rupinta ang nangulo sa barangay sa pagkakaron.

Si Barangay Councilor Efe Rupinta, anak nga babaye ni Imok, gitudlo isip acting barangay captain sukad niadtong Hulyo. Siya niasumer human ang iyang pito ka mga kauban, apil na kang Barangay Captain Mark Rizaldy Miral, gisuspenso.

Ang Office of the Ombudsman-Visayas nipailawom kang Miral ug barangay councilors Antonieto Flores, Ryan Jay Rosas, Alio Tamundo, Domingo Ando, Maria Buanghug, ug Wilbert Flores ubos sa usa ka tuig nga suspension tungod sa kapakyas sa pagkooperar sa awtoridad atol sa anti-illegal drug operation sa 2016.

Si Rupinta nagdumala sa barangay uban sa Sangguniang Kabataan (SK) officials.

Sa interview sa SunStar Cebu, si Rupinta niingon nga sa sinugdan, ang pagdumalang nag-inusara sa barangay lisod kay kini sa iyang unang termino.

“But now, I have already adjusted. The barangay has been constantly giving the basic public services to our people,” siya niingon.

Si Rupinta niingon nga lakip sa mga hagit sa iyang pagdumala sa barangay mao ang paggamit sa budget ug kampanya batok sa illegal drugs.

“What we can do right now is basically limited to paying the salary of our workers and our bills in the barangay. We can’t do procurement or have our vehicles repaired,” siya niingon.

Si Rupinta niingon nga wa soila tugoti sa pagpalit og bisan unsa gikan sa barangay budget kay kuwang sila og upat ka mga miyembro alang sa bids and awards committee (BAC) sa barangay.

Bisan sa pagsuspenso sa ubang mga opisyal, si Rupinta niingon nga nagpadayon sila sa pagpahigayon og barangay sa session uban sa SK chairman, barangay secretary ug treasurer.

Apan wa sila tugoti sa pagpasar og mga ordinansa sa barangay.

“We sent a letter request to the Department of Interior and Local Government if we can still hold sessions, and they told us that we can, but we have limited functions,” nagkanayon si Rupinta.