VERTICAL WALL SA QUARRY SITE

Gikinahanglan nga mapabutangan og vertical wall kun babag gikan unya sa pagdahili pa sa yuta sa bukid sa sitio Sindulan, Barangay Tinaan sa Syudad sa Naga.

Kini ang usa sa pipila ka mga rekomendasyon ni Department of Environment and Natural Resources (DENR) Secretary Roy Cimatu, human sa gihimo nga subli nga pag-assess sa danger zone.

Daku pa gyud ang kahigayunan ang mahitabo ang laing pagdahili sa yuta diha sa sitio Sindulan, barangay Tinaan Syduad sa Naga.

Gitug-an kini ni Cimatu, atol sa linain nga interview sa mga sakop sa media atol sa pagsugod sa International River Summit kagahapon.

Matud ni Cimatu kini maoy usa sa nakita atol sa gihimong’

re-assessment sa lugar, sa mga sakop sa Mines and Geo Sciences Bureau kon MGB gikan sa kauluhan.

Hinungdan nga usa sa rekomendasyon, nga angay lang ang Apo Land and Quar- ry Corp. ang mohimo sa ilang remedial measures.

Lain usab nga gikinahanglan buhaton mao ang paghimo og vertical wall kon babag diha palibot sa nidahiling bungtod aron di na makalahus pa ngadto sa ubang kabalayan ug mga tawo, kon ugaling mahitabo na usab ang pagdahili, ilabi na nga napanlantawan ang kanunay pa nga pag-uwan.

Iya usab gimanduan nga angay ang himuong pagtangtang sa mga nag-ali nga mga abto ug mga anapog diha sa agianan sa tubig sa sapa kilid sa nidahiling bungtod, kay posibleng makahatag pa kini og dugang problema kon di maatiman dayon. Matod ni Cimatu, nagka-estoryahay na sila Myerkules sa gabii (Nov. 21) ni City of Naga Mayor Kristine Chiong kalabot sa resulta sa gihimo assessment ug posibleng ugma o sayo sunod semana madawat ang kopya sa dokumento.

Dugang sa secretary nga iya na gihatag sa mayora ang katungod sa pagpahibaw sa uban nga nakita sa MGB sa gihimo nga re-assessment.

Gitug-an ni Cimatu nga posibleng sa Pebrero sunod tuig pa gyud makabalik katong ubang pamilya nga gipa-ebakwit usa ka kilomtero gikan sa

danger zone, kini pagsiguro nga wa na gyuy kinabuhi pa nga makalas.