Task Force Haring Tupas gilusad sa Sugbo
Ang Task Force Haring Tupas (TFHT) gitukod aron malimitahan kon dili man hingpit mapugngan ang pagsulod sa mga gidiling druga sa dakbayan ug lalawigan sa Sugbo.
Si Atty. Clarence Paul Oaminal, kinsa maoy gitudlo ni Senate President Vicente Sotto III isip drug coordinator sa Sugbo ug nagsilbing pangulo sa (TFHT) nilusad og summit sa mga ahensiya sa gobiyerno nga nadestino sa pantalan ug airport kagahapon, Nobyembre 23.
Matod ni Oaminal nga ang Seaport ug Airport ra ang agianan sa dagko nga palusot sa ilegal nga druga ug makig-alayon usab sila sa mga local government unit nga adunay mga pantalan sanglit mao sab kini ang lutsanan sa mga druga gikan sa silingan nga mga isla.
“Atong gipundok ang tanang ahensiya nga nagbantay sa atong pantalan ug airport kay ang Sugbo usa man ka isla ug ang drugas mosulod sa Cebu is only by air or by sea mao atong gipangitaan og paagi how to strengthen and protect our port from the entry of shabu,” matod ni Oaminal.
Ang summit nga gipahigayon sa Ramon Aboitiz Foundation Inc., maoy una sa TFHT ug nagtinguha si Oaminal nga makahimo sila og laing summit aron sa paghimo nila og mga estratihiya aron ilang masumpo ang pagkuyanap sa ginadiling drugas sa komunidad.
“No matter how many street pushers do we killed and arrested unless we could stop and make Cebu free from the entry of illegal drugs, shabu will continue to flood our streets .... ” padayag ni Oaminal, kinsa kanhi vice chairman sa Dangerous Drugs Board (DDB) bahin sa task force.