3 NGA NAPATAY SA LAWAAN HITMEN:PULIS
“Notado” na nga mga hitman sa mga drug lord sa syudad sa Talisay ug syudad sa Sugbo ang napatay sa kapulisan niadtong Biyernes, Nobiyembre 23.
Kini nga kasayuran gikan sa Provincial Intelligence Branch kinsa giabagan sa Provincial Drug Enforcement Unit sa Cebu Provincial Police Office sa pagpangita ug pagdakop nila ni Ramonito Maneja, alyas Duterte; Arnel Hernani alyas Alvin, ug usa ka alyas Joseph.
Matod ni Sr. Inspector Alejandro Batobalonos, team
leader sa DEU sa probinsya sa Sugbo, nga niadtong unang semana sa Nobiyembre, ilang naronda ang hideout nilang Maneja sa usa ka subdivision sa maong dakbayan.
Nakuhaan sila og tag-as nga kalibre sa mga armas nga gituohan ni Batobalonos nga maoy gipanggamit sa ilang
pagpamatay sa mga drug personalities nga kaatbang sa
ilang amo.
Ang grupo nilang Manrja usab ang mo escort sa mga
drug supplier kon adunay ipakatap nga illegal nga drugas, lakip na ang pagpangulekta sa halin sa drugas.
Taod-taod na nila kining gipanid-an. Gawas sa ilang pagka hitman, nalambigit usab sila sa pagpamaligya sa illegal nga drugas sa Talisay ug mga silingang lungsod sa habagatang bahin sa lalawigan sa Sugbo.
MANHUNT
Human sa nahitabong pagpusil kang PO1 Jaylord Joseph Tabing niadtong Nobiyembre 23, diin ang gitumbok nga suspek mao sila si Hernani ug Joseph, niabag na ang PIB sa
manhunt operation. Nakadawat silag tawag sa usa ka barangay official nga naa ra sa San Jose Village, Barangay Lawaan 3 ang mga suspek.
Ila dayon kining gipanid-an ug nasuta nga positibo kini ug mihimo sila sa suway nga pagdakop kanila.
Matod ni Batobalonos nga nisinggit pa siya nga pa surenderon, apan sa pagsulod sa balay, gikalitan sila sa pagpusil, matod sa kapulisan. Walay naigo kanila.