`Christ the King' procession bantayan

Gatusan ka mga pulis uban ang mga traffic enforcer ug

force multipliers ipakatap sa kadalanan sa dakbayan sa Sugbo gikan sa uptown area sa Fuente Circle padung na sa downtown sa Cebu Metropolitan Cathedral karong

udto hangtod sa gabii.

Alang na kini sa pagpatuman sa kahapsay ug kalinaw sa gilantanwan nga libuan ka mga batan-on nga gikan sa nagkadaiyang parokya sa simbahang Katoliko sa Archdiocese sa Cebu aron sa paglusad sa Year of the Youth.

Usa sa pagtabang sa awtoridad alang sa kaluwasan sa tanan, mao ang paghangyo sa mga mosalmot nga di magdala og backpack.

Matud ni Fr. Andrei Ventanilla, associate chairman sa Commission on Youth (COY), nga mas maayong bottled o bisan unsang kasudlan sa tubig lang ang dad-on.

Dugang ni Ventanilla nga 5,000 ka mga youth nga nagpangidaron og 13 anyos ngadto sa 39 anyos ilang gipaabot.

Ang tema mao ang ‘Filipino Youth in Mission, Beloved, Gifted and Empowered’.

Gawas kanila dugang, gatusan usab sa general public ang gilantawang mosalmot sa kalihukan,

alang sa kapistahan sa ‘Christ the King’.

Gipahibaw ni Ventanilla nga kanselado ang mga santos nga misa sa syudad sa sugod sa alas 3 karong hapon.

Kini aron paghatag og dako nga pagtagad sa kalihukan nga sugdan sa Fuente Circle, diin magsugod ang assembly sa alas 2:45 sa hapon.