RD nga TAPULAN,TAKTAKON

Kini ang bahad ni Cimatu ngadto sa iyang mga regional director sa Department of Environment and Natural Resources nga dili makaatiman sa kasapaan ilawom sa ilang area of responsibility sa tibuok nasod.

Uyon,para molihok molihok gyud na sila sa ilang mga katungdanan unya kana sad mga nagpuyo daplin sa mga sapa silotan kon magpataka lang sad og labay sa ilang mga hugaw. -Raymond Reed

Korek gyud na decision kay kaniadto dili na ingon ana ang mga sapa nga napuno sa mga basura. Hugaw kaayo tan-awon. Nindot lagi nagkadaghanan kitang mga tawo ug daghan nahimo sa city sa ato probinsya sa Cebu. Apan mao pod lagi, bahaon ug daghang basura gikan sa mga tawo nga pataka lang og labay. -Angel Gracy Mendez

Mas maayo og mas makaayo nas tanang lumolupyo labi na naa sa dapit sa kasapaan ug kadagatan aron malikayan ang pagkuyanap sa daghang basura ug ingon man ang kabaho mawagtang na kon malimpyohan. -Steven Niño Guzman Abais

Sa amoa diri ta sa Barangay Mainit, City of Naga Cebu. Hugaw kaayo ang sapa gumikan sa septic tank sa mga dagkong kompaniya, basurahan sa Barangay Pangdan. Ang ilahang hugaw anha sa sapa ipagawas. Pwerting bahua, dili mi katulog tungod sa kabaho. Malimpyo lang pila ka adlaw, balik na sad. -Reyzeil Bryan Canomon

Aw o oi. That is a good start. Panahon na kay kadugay na nila nanglingkod diha. Dili na baya ni pareha sauna kay ang presidente karon mulihok baya gyud, way daghang istorya. Tan-awa ang kapulisan, segig lihok sigeg ronda. Sa una wala baya na. -JingJing Suniel

Uyon! Kon nahimo alang sa Pasig River sa Manila, kaya nato, sapa ra gani. Di lang DENR,multi government agencies should be involved especially DOH, NGO’s, etc. It needs study, implementation, evaluation and sustainability. For beautification, health and safety aron wa nay baha. -Rolando P. Cabiluna

Daku kaayo kong uyon sa naging decision ni Sec. Roy Cimatu nga iyang pang tangtangan sa katungdanan ang mga regional directors kon mapakyas ang pagpanglimpyo sa ilang kay padung baya nas dagat. One day, kita ra gihapon ang mag suffer anang mga hugaw nga atong gipangbuhat karon! Worth pud kaayo ang iyang decision. -Rowella Alferan Lapera

Husto nga decision. Ilakip na og sanction ang LGU nga wala magpakabana kon unsay epekto sa binuhatan sa mga lumulupyo nga naghugawhugaw sa mga sapa ug dagat nga ilahang ginsakopan. -Aquim S. Nasibog