Pilipinas gitipi sa Lebanon

Nasugamak na sab sa kapildihan ang Team Pilipinas batok sa Lebanon, 74-68, sa ikatulo nilang tune-up game niadtong Biyernes sa gabii sa Epsilon Chi Center sa University of the Philippines campus sa Quezon City. Ang Team Pilipinas, nga adunay 1-1 nga rekord sa naguna nilang duha ka pisikal nga tune-up games batok sa Jor- dan, nabiyaan og 18 puntos sa sayong bahin sa 3rd quarter.

Kapila sab misuway paggukod ang Team Pilipinas apan kanunay lang kining mapakgang sa Lebanon.

“Coming into this game, we always have to be aware and conscious that we need to make a better effort early in the game,” matod ni Team Pilipinas coach Yeng Guiao sa interbyu sa Spin.ph.

Wala gyud nakahigayon ang Team Pilipinas nga mailog ang labaw hangtod nga napupos na lang ang oras.

Karong gabii, makigbatok og balik ang Team Pilipinas sa Lebanon alang sa katapusan nilang tune-up game sa dili pa kini mohamag sa 5th window sa FIBA World Cup Asian qualifiers.

Sa qualifiers, ang Team Pilipinas makigharong sa Kazahkstan karong Nobiyembre 30 ug batok sa Iran karong Disyembre 3 sa Mall of Asia Arena. Puntos matag usa Lebanon 74 — Haidar 20, Majok 13, Saoud 10, Abdel Nour 9, Bawji 6, Mehzer 5, Rustom 4, Akl 3, Ibrahim 2

Team Pilipinas (68) – Aguilar 16, Lassiter 11, Fajardo 9, Santos 6, Rosario 5, Pringle 4, Slaughter 4, Tenorio 4, Wright 3, Lee 3, Rivero 2, Thompson 1, Castro 0, Erram 0.