Pagtakda sa tukma nga pletihan
Padayon gilalisan ang isyu labot sa pletihan nga taudtaud na nga gipangayo sa mga jepney driver. Kini taliwala sa sunod sunod nga pag-us-os sa presyo sa lana. Bisan niadtong panahon nga nasinati ang paspas nga pagsaka sa presyo sa lana, daghan ang wa makonbinsir nga kini himoong basihanan sa gipangayo nga umento. Para nako nga usa ka regular nga d manakayay og dyip akong nakita ang lig-on nga rason nganong angay nga patalinghugan ang gipangayo nga umento.
Ang sunod sunod nga pagtibugsok sa presyo sa lana para nako di gani lig-on nga basihanan nganong supakon ang gipangayo nga umento. Ang akong nakita nganong gisuportahan nako ang kawsa sa mga driver mao ang dagan sa ilang panginabuhi diha sa karsada.
Ang kapakyas sa gobyerno sa pag-regulate sa padayon nga pagbaha sa mga sakyanaan diha sa karsada og ang kakuwang og political will sa mga local government unit pagpahapsay sa kadalanan batok sa di na maantos nga problema sa trapiko, maisip nga dakong hulga sa tinguha sa mga driver pagpanday sa kaugmaon sa ilang mga pamilya. Sa hilisgutanan pa lang daan sa suliran sa trapiko maisip kini nga bug-at nga rason nganong dunggon ang yangungu sa mga driver sa dyip.
Kuhai lang og basi ang ruta nga Inayawan-Colon. Ang naandan nga walo ngadto sa siyam ka round trip, karon maglisod na nga matuyok og ka unom sa usa ka adlaw tungod sa trapik. Maayo unta nga unyag katanggong moundang sab og kaon og krudo o gasolina ang makina. Di man sab mahimong pagngon ang makina.
Sa ato pa samtang nag-urongang dyip tungod sa trapik nagsigi sab o g habhab og tubil ang makina. Unya asa man ang kaangayan ani? Unta to kong wa pay trapik magsaka kanaug ang mga pasahero nga maoy masapian sa mga driver. Unyag abot sa distinasyon dretso na og tuyok balik sa agi. Bisan kong moingon ta nga ang sunod sunod nga pag-us us sa presyo lig-on nga basihanan nga kibhangan ang mnimum nga plitihan, di ni paigo nga itumbas sa mga kalisdanan nga nasinati sa atong mga driver karon.
Angay ning hinuktokan sa atong kadagkuan. Ang sektor sa mga dtiver og dyip usa sa angay nga hatagan sa pagtagad. Samtang nangubra na ang ubang mamumuo sa ilang 13th month sayod ta nga wa gyud igdungog nga apil sila niini.
Tibuok tuig ang subra ra gyud sa abang og tubil ang ilang mada sa balay. Unya kay naghinangat naman ang pasko unta magmalipayon sab sila. Unta ang linya sa kanta nga nagkanayon, “kasadya ning taknaa” tinuod gyung sadya para sa tanan.
Mga pahalipay sa mga birthday celebrants sa bulan sa Nobyembre. Nag-una ang akong kapikas sa kinabuhi Mrs. Anne Somosot Nadela.
Laing celebrant ang tinamod og usa sa mga haligi sa ABS CBN Ms. Tata Cinco Sy. Og ang akong pinangga nga pag-umangkon Nikka Nadela Macara. Mga pahalipay gikan sa imong Nanay Niki og Tatay Aga.