May kaugmaon pa

Dear Papa Joe,

Tawga lang ko sa ngalan nga Amelet, 24 years old. Ang akong suliran kabahin ni sa akong uyab nga usahay ka live in nga wa gyuy plano bisan mag lima na mi ka tuig kay daghan kaayo siya og uyab. In fact daghan kaayo siya og anak sa gawas pero di man nako kaya mawala siya. Samot na nga mabdos ko karon sa ikaduha namong anak pero murag wa lang gihapon niya.

Mao na naka decide na ko karon buwagan na lang nako siya kay labo na kaayo ni na matinuod pa among relasyon. Naka decide ko nga ipakuha na lang ni nako ang akong gisabak kay di man gyud nako sad kaya nga buhion ang duha. Kay karon lang gani ako pa ang nag work para namo.

Unsa may ika tambag nimo nako kay naglibog na kaayo akong ulo. Usahay gani lami na kaayo ihikog. Salamat.

AMELET Amelet,

Bata pa kaayo ka, Day. Daghan pa nga pwede mahitabo nimo. Kon tan-aw nimo maglisud ka, aw maglisud gyud ka kay gitan-aw man nimo nga bug-at. Pero kon tan awon nimo na nga responsbilidad, kaayahon gyud na nimo.

Dili ra ikaw nabiktima sa gugma na ing ana. Daghan kaayong nailad, daghan sad ang ni survive. Kana diayng mabyuda, way kalahihian sa pagpadayon og buhi sa mga bata.

Angay ka makigbisug kay imo man sad na gitugtan nga mahitabo na sa imong kinabuhi. Ampo sa Ginoo para malamdagan ka ug makaya nimo na ang tanan. Matod pa sa kanta May Bukas Pa.

PAPA JOE