CHRIST THE KING GISAULOG
Sa pag-abli sa selebrasyon sa tuig sa mga batan-on kagahapon, Nobiyembre 25, taas nga opisyal sa simbahang Katoliko sa Sugbo nipahinumdum nga way kompetisyon tali sa mga hamtong ug kabatan-onan.
Ang usa ka tuig nga selebrasyon, nga magsugod sa unang Dominggo sa Adbento, Disyembre 2, nagdala sa tema nga “Filipino Youth in Mission: Beloved, Gifted, Empowered.”
Sa iyang wali sa kasaulogan sa kapistahan sa Christ the King, si Cebu Archbishop Jose Palma namulong nga sa intergenerational nga relasyon, dili tinuod ang naa sa panghunahuna nga dunay kompetisyon tali sa mga batan-on ug edaran.
“We are potential allies. We do not compete. We are allies,
we complete each other,” pagdasig sa arsobispo sa mga nanambong sa misa sa pagtapos sa tuig sa kaparian ug mga relihiyuso kagahapon sa Fuente Osmeña Rotunda, siyudad sa Sugbo, dungan sa selebrasyon sa Kristo Rey.
Si Supt. Leoncio Baliguat, hepe sa Investigation and Detective Management Branch (IDMB) sa Cebu City Police Office (CCPO) nibanabana nga moabot sa 4,000 ka mga tawo ang nitambong sa misa ug human gisunod ang prosisyon padung sa Cebu Metropolitan Cathedral.
Matod niya, pinaagi niini makab-ot ang kalinaw, kalamboan ug kaayohan sa komunidad.
Ang Catholic Bishops Conference of the Philippines (CBCP) nipahinungod sa 2019 isip tuig alang sa mga batanon, nga ang usa ka tuig nga selebrasyon matapos sa Nobiyembre 24 sa sunod tuig, atol sa piyesta sa Christ the King.
Si Palma nipahinumdom sa kabataan nga sila pinangga ug dili kini angay nga dudahan.
“In time when we feel we are not loved enough, karong
hapona we are reminded we are loved. We should never doubt when we are noted for great devotion (kang Señor Sto. Niño),” sumala sa arsobispo, kinsa nidugang nga bato balani sa gugma ang balaang bata.
Sa iyang wali, iya usab gipahimug-atan nga ang tanang mga tawo gihatagan sa Ginuo og lainlaing gasa ug grasya nga angay ipasalamat.
“Put gifts in the service of one another, mao kini ang hagit natong tanan. Usahay, we take for granted what we have,” dugang ni Palma.
Ang arsobispo nipahibawo nga sa sunod tuig ang artsidyosesis sa Sugbo ang mo
host sa National Youth Day sa Abril 23 hangtod sa 28.