TRAINING NI PACQUIAO PORMAL NGA GISUGDAN
Opisyal na’ng giablihan ni Filipino boxing hero Manny Pacquiao ang iyang training camp sa Manila alang sa iyang sunod tahas diin depensaan niya ang iyang World Boxing Association (WBA) welterweight title batok kang African-American Adrien Broner karong Enero 19 sa Las Vegas, USA.
Kini maoy ikasiyam nga mga higayon nga dungan nga pasanon ni Pacquiao ang iyang mga obligasyon isip usa ka boksidor ug usa ka pulitiko.
Nagsugod si Pacquiao niini
dihang napili siya isip usa ka kongresista niadtong 2007 hangtod nga nahimong senador niadtong 2016.
“Matagal na nating ginagawa ito mula ng pimasok ako sa government service, kaya sanay na tayo,“text message ni
Pacquiao sa www.philboxing. com. “Time management lang naman ang kailangan.”
Gisugdan sa 8-division world champion ang iyang training camp pinaagi sa pag-ehersisyo sa Forbes Park sa Makati ug Elorde Boxing Gym sulod sa SM Mall of Asia sa Pasay City.
Gumikan kay wala ang head trainer ug suod nga higala ni Pacquiao nga si Buboy Fernandez, si American conditioning coach Justin Fortune ug assistant trainer Roger ”Haplas” Fernandez ang naggiya sa training sa Pambansang Kamao sa Pilipinas.
Motapon sa General Santos City ang training camp ni Pacquiao inig sugod sa session recess sa senado karong Disyembre 12.
Karong Disyembre 22, gikatakdang mobalhin ang
training camp ni Pacquiao sa Amerika diin ikauban na niya’g balik si Hall of Fame
trainer Freddie Roach, kinsa gitudlo niyang supervisor ning higayuna sa iyang training camp. / ESL