WT kwalipikado motukod sa Prov'l Resource Center
Lone qualified bidder pagtukod sa Provincial Resource Center nga mao ang WT Construstion Inc., nipasar sa post qualification process nga gihimo sa technical working group sa Bids and Awards Committee sa Kapitolyo.
Ang BAC nirekomendar na kang Gobernador Hilario Davide III nga sa maong kontraktor i-award ang kontrata sa proyekto.
Isyu sa Cebu International Convention Center (CICC) wa makaapekto sa posibleng kwalipikasyon sa WT Construction.
Human ang 12 ka adlaw nga post qualification process, pasado na sa lebel sa BACTWG sa Kapitolyo ang WT Construction Inc. isip kwalipikadong bidder pagtukod sa 20 ka andanang Provincial Resource Center.
Matod sa BAC vice chairman, Jone Sepe, wa makaapekto sa kwalipikasyon sa kontraktor ang isyu sa CICC sanglit nakumpleto man nila ang proyekto ug gani nabayran sila sa pag-trabaho niini.
Kabahin sa gihimong post qualification process ang pagsusi sa mga completed projects sa kontraktor.
“It was also noted sa ilang (TWG) report nga kadtong mga completed projects nila, daghan (ang) government projects. Katong Talisay, kining Carcar, Consolacion, apil sad tong CICC nga project. All of those gi-present gahapon nga as far as project is concerned, physical and financial completion, all documented man nga nakompleto ang trabaho, nabayran,” niingon si Sepe.
Gawas sa completed projects, wa say nakita nga kakulian sa on-going ug existing government projects sa kontraktor.
Positibo sab ang komentaryo sa Department of Public Works and Highways alang sa WT Construction.
Matod ni Sepe nga kumpleto ug tinuod ang legal ug technical documents nga giduso niini, base sa beripikasyon nga gihimo sa mga hingtungdang ahensiys a gobiyerno.
Nasuta sab nga ang gipangsa-ad nga ekipo ug mga personnel sa kontraktor nga maoy mo-trabaho sa proyekto intact ug eksklusibong makahatag sa ilang serbisyo sa proyekto.
Dugang ni Sepe nga igo ra usab ang gi-bid sa WT Construction nga P1.298 billion alang sa tukoron nga edipisyo ug wa’y nakitang discrepancy niini bisan paman ug ma subos kini ug P40 million sa approved budget for the contract.