CHR na sab mapatiran human sa NBI ?

Nakasabot man ta nganong dunay pabor niining pagpatay sa mga dautang tawo ug ilabi na niadtong nalambigit sa kalihukan sa illegal nga drugs.

Samtang atong sabton kadtong mga tawo nga nagsupak sa tuyo nga pagpatay. Kay mas pabor sila ang pagpatigbabaw sa balaod.

Apan kon ang kapulisan atong paminawon misukol ang mga suspek sa kampanya sa kapulisan sa gitawag og one time big time operation.

Pero ang pamilya sa mga biktima mipasangil mga way buy bust operation ug gipugnit lang ang ilang sakop sa pamilya ug pipila ka gutling ang milabay patay na ang gituhoang suspect.

Karon misud ang Commission on Human Rights ( CHR ) alang sa imbestigasyon sa nahitabo sa kamatayon sa mga suspek nga gitawag nilag biktima.

Atong paabuton ug kon asa kutob ang imbestigasyon sa CHR. Pabor ba sa mga reklamante o sa gireklamo?

Kini nakapahinumdom nako sa pagkalagpot sa direktor sa National Bureau of Investigation (NBI 7).

Sa dihang misud sa imbestigasyon sa kaso ni Konsehal Jessie Cadungog ang kanhi kapitan sa Barangay Tejero.

Kon imong sabton ang NBI toa pabor ni Cadungog ug wa molaban sa napatay nga si PO3 Eugene Calumba.

DIAMANTE BATOK LAGON

Hangtod karon wa pa man diay maka-move on ang negusyanteng si Daphne Lagon sa kapildihan sa pagka mayor sa milingkod karon nga si Mayor Aljun Diamante sa lungsod sa Tuburan.

Kay mipakatap man og estorya ang kampo ni Lagon nga molingkod alang sa pagka mayor karong December 1.

Si Diamante nga nakuhaan og pamahayag sa Agila mikatawa ug miingon nga daw sama nga nagdamgo sa udtong tutok si Lagon.

Kay kaniadto pang tuig 2016 magpahibawo si Lagon nga molingkod. Apan wa pa gyud makalingkod taliwa sa mga protesta niini.

Ang buot pasabot ba ni Lagon nga molingkod sa petsa uno magpabor nya ang Comelec sa election protest?

Kon atong ibutang nga tinuod. Hadlok siyang Diamante nga makadagan sa pagbalik alang sa pagka mayor ug subli silang mag-engkuwentro ?

Di na unya makahimo sa pag substitute si Diamante kay ang deadline sa withdrawal ug substitution karon namang adlawng Huwebes, November 29?

Atong paabuton ug kon asa kutob ang imbestigasyon sa CHR. Pabor ba sa mga reklamante o sa gireklamo?”