RP 5 NAG-ADJUST PA
Human sa usa ka semanang tune-up games sa Team Pilipinas, nasayod na si national coach Yeng Guiao kon unsa’y angayang adjustments nga himuon alang sa kampanya sa national team sa umaabot nga 5th window sa FIBA World Cup Asian qualifiers.
Ang Team Pilipinas kaduha nakigbatok sa Jordan ug kaduha sab sa Lebanon. Ning maong mga tahas, ka usa ra nakadaog ang Team Pilipinas batok sa Jordan.
Gipasabot ni Guiao nga aduna pa’y mga sakop sa Team Pilipinas nga maglibog pa sa iyang sestima.
Sa 20-man national training pool, sila ra si Paul Lee, Beau Belga ug Gabe Norwood ang nakasuweto sa sestima ni Guiao tungod kay taodtaod sab silang nagkauban sa usa ka puwersa sa Philippine Basketball Association (PBA).
“May mga nalilito pa, may mga nako-confuse pa doon sa execution natin kaya we try to adjust the plays to make it
simpler,” matod ni Guiao sa interbyu sa Spin.ph.
Gitataw ni Guiao nga naghan-ay sab siya og espisyal nga set plays aron mapahimuslan sa iyang mga higanteng sama nila ni JuneMar Fajardo ug Greg Slaughter ang bintaha niini sa gitas-on.
“Hindi natin nabibigayan ng additonal touches yung mga malalaki natin. Basically it’s the guard who’s taking more shots. So we want to even it up. Merong additional options kay June Mar and Greg,” pasabot ni Guiao. Nagkanayon si Guiao nga kinahanglan pa sab nilang tun-an ang duwa sa ilang umaabot nga mga kontra pinaagi sa video tape. “Importante talaga sa international game ‘yung scouting. So we’ll do that in the next three days, work on our scouting report and try to formulate a game plan based on it,” dugang ni Guiao.