Parents-Children Dialogue sa DSWD 7
Kabahin sa nakalinya nga mga kalihokan alang sa pagsaulog sa 26th National Children’s Month, ang Department of Social Welfare and Development (DSWD) Field Office VII pinaagi sa Regional Council for the Welfare of Children (RCWC) nihimo og wholeday Parents-Children Dialogue niadtong Nobiyembre 22, 2018 sa Golden Peak Hotel and Suites, Cebu City.
Ang kalihokan gitambongan sa mga ginikanan ug mga tinun-ang representante gikan sa nagklainlaing Local Government Units (LGUs) ug Non-Government Organizations (NGOs) sa Cebu.
Uban sa National Children’s Month’s theme, “Isulong: Tamang Pag-aaruga para sa lahat ng bata,” nga haom sa parentschildren dialogue nga giorganisar, diin positibo ang parenting ug displina sa mga bata.
Si Assistant Regional Director for Operations, Shalaine Marie S. Lucero, sa iyang welcome message nagkanayon: “Parents, discipline your children and they will never go wrong. Children, listen to your parents because no parent would want their children to be led into a crooked path.”
Si Lucero nipasabot sa maayong relasyon tali sa mga ginikanan ug mga bata sa pag-umol sa maayong pamilya isip kabahin sa usa ka adunahan ug prouktibo nga nasod.
Duna ka mga managlahing workshop sa nangapil nga mga ginikanan ug kabataan ubos sa pagdumala sa RCWC staff ug representative gikan sa World Vision Development Foundation Inc.
Ang presentation sa outputs ug pagkahuman, ang mga bata ningpadayag sa iyang hunahuna ug pagbati bahin sa parenting styles nga gipatuman sa ilang mga ginikanan, samtang ang mga ginikanan, sa pikas bahin, nakahimo sa pagpaklaro sa ilang estilo sa pagkaginikanan sa pagmatuto sa mga bata, lakip na sa pag-atiman sa pamilya.