UYON SA MGA SUNDAWO

Nakadawat og suporta sa mga opisyal sa Sugbo ug netizens ang pagbutang og mga sundawo sa mga operasyon sa Inter-Agency Council for Traffic (IACT-Metro Cebu).

Alang kanila, mas luwas ang kadalanan kon dunay mga sundawo nga moabag sa mga awtoridad nga nagpahapsay sa dagan sa trapiko. Ang IACT-Metro Cebu gilusad niadtong Miyerkules, Nobiyembre 28, sa Dakbayan sa Mandaue.

Usa sa mga naglangkob sa IACT mao ang kasundaluhan, kinsang presensya mao lang ang pagseguro nga malinawon ang pagpatuman sa balaud sa trapiko sa kadalanan kon dunay operasyon ang ahensya.

Si Konsehal Dave Tumulak. Tsirman sa Cebu City Council committee on peace and order, bisan wa makatambong sa paglusad sa IACT nisuporta sa lakang sa kagamhanan.

“Mo-cooperate gyud ta because we are the same government office implementing the laws of the land. This is also to show support for the National Government in terms of law enforcement,” siya nagkanayon. Tulo ka mga tuig ang nakalabay, si Tumulak ni-file og resolution na naghangyo sa Armed Forces of the Philippines (AFP) sa pagpakatap og mga sundawo sa dagkong mga karsada aron motabang sa pagpaluag sa dagan sa trapiko. Mao ni hinungdan nga personal siyang nagsuporta sa pag-umol sa council kay nalambigit niini ang militar.

“Mas maayo naa gyuy long

military presence. The public should not be afraid because they are there to protect us. This is not part of militarization, but for our own security. Much better daghan ang law enforcement agency that will man our

city,” nagkanayon si Tumulak. Mao usab si Konsehal Joel Garganera, way nakitang problema nga ang mga sundalo moabag sa mga awtoridad nga nagpahapsay sa dagan sa trapiko.

Si Garganera, chairman sa Police Advisory Council sa Dakbayan sa Sugbo, nitataw nga makatabang ang mga sundalo sa kalamboan sa peace and order sa siyudad, hilabi na karon nga nagkaduol na ang Pasko ug pagasundan sa Sinulog.

“This time, Christmas is fast approaching and it will be followed by Sinulog. It would help improve the peace and order of the City. Not only for the traffic situations, but also for crimes to be minimized,” pagpasabot ni Garganera Matod niya, di kini mahimong problema basta kahibaw lang ang mga sundalo sa mga balaud sa trapiko.

“I don’t think so. To me, soldiers should mingle with the civilians. They are protectors and there are a lot of good soldiers,” pasabot ni Garganera Matod niya, masinati niya ang seguridad kon naa ang mga sundalo. Si Cebu City Transportation Office operations chief Francisco Ouano uyon sa kaayuhan sa military visibility kay daku kini og tabang sa 400 ka traffic enforcers sa pagpadagan sa trapiko. “Makatabang pud ang ilahang pag-deploy sa military karon. Hopefully, deretsoderetso na ni kay labi na karon naghinangat ang Pasko ug ang Sinulog. So daghan tag mga

activity. Magtinabangay lang ta og disiplina aron dili mosamot ang traffic,” siya nagkanayon.

Samtang gihulagway ni Glenn Antigua, pangu sa Traffic Enforcement Agency of Mandaue (TEAM) ang pagkuyog sa kasundaluhan sa IACT sa kadalanan pagtabang sa pag-menus sa mga

violator sa dan. / RTF, FMD & Kiziah Marie T. Suello-USJ-R Intern