TEAM PILIPINAS KONTRA IRAN

Mobawi og suway ang Team Pilipinas gikan sa surpresang kapildihan batok sa Kazahkstan sa ilang pagpakigharong sa Iran sugod karong alas 7:00 sa gabii sa 5th window sa FIBA World Cup Asian qualifiers sa Mall of Asia Arena.

Dako man tuod og epekto ang kapildihan sa Team Pilipinas batok sa Kazahsktan, 92-88, niadtong Biyernes apan kinahanglan kini nilang ilubong dayon sa kalimot aron makatutok sa mas importante ug mas lisod nga tahas batok sa Iran.

Ang Team Pilipinas kasamtangang nakigbahin sa Japan sa ikatulong dapit sa Group F dala ang 5-4 nga rekord.

Nagpasabot kini nga kinahanglan gyud sa Team Pilipinas nga modaog batok sa Iran aron pahayagon ang ilang poruhan nga maka-qualify sa 2019 World Cup nga ipahigayon sa China.

Ang mopatigbabaw nga tulo sa Group F ug hasta sa Group E lakip na ang 4th placer overall nga adunay mas maayong rekord mao ang maka-qualify sa matag upat ka mga tuig nga kompetisyon.

“We still have one game on Monday, and we can’t feel too negative about ourselves,” matod ni Team Pilipinas coach

Yeng Guiao sa interbyu sa www.PBA.PH.

“I think we can salvage the situation if we’re able to play a good game against Iran.”

Labing seguro, adunay nakat-unang leksyon ang Gilas Pilipinas sa ilang kapildihan sa Kazahsktan nga mahimo nilang korehian sa ilang pagpakigbatok sa Iran.

“We’re still a long way from being the team that we really want to be and be able to exploit our potentials,” pasabot ni Guiao.

Batok sa Iran, dili makaduwa ang bida sa Team Pilipinas batok sa Kazahkstan nga si Stanley Pringle gumikan kay hulipan kini ni Christian Standhardinger isip naturalized player.

Sa balaod sa liga, ang matag nasod tugtan ra og tag usa ka naturalized player.

Sila si Pringle ug Kazahsktan aduna unta’y sagol nga dugong Pinoy apan pareho kining gikonsiderar nga naturalized player kay wala kini nakabaton og Philippine passport sa nag-edad pa kini sila og 16 anyos.

“We will lose Stanley’s scoring, his aggressiveness, his leadership at the point guard position, but we will gain Christian’s quickness and active plays which we lacked with our bigs,” pasabot ni Guiao.

“Troy Rosario and Jayson Castro are going to be in that line-up. I think there suspension is over. I’m sure they can make contributions in that effort.”/

/ PBA.PH ■ HIGANTI: Gilaumang mababad og maayo ang Sugbuanong higante nga si JuneMar Fajardo (nag-layup) sa pagpakigbatok sa Team Pilipinas sa mga higante sab sa Iran karong gabii sa Mall of Asia sa kaulohan. Ning maong hulagway, makita si Fajardo nga milusot sa usa ka Kazahkstan defender sa unang duwa sa Team Pilipinas sa 5th windo sa FIBA World Cup Asian qualifiers niadtong Biyernes.