P2.4- B budget sa Mandaue Treasurer's Office

Mokabat sa P2.4 bilyones ang lang ang gi-propose nga budget sa Mandaue City Treasurer’s Office alang sa sunod tuig. Kini mas ubos sa 2018 budget nga P2.7 bilyones.

Gipasabot ni Atty. Regal Oliva, ang City Treasurer nga tungod kini sa ila nga gipatuman nga zero-based budgeting, nga mao usab ang mandato sa national government.

Iya gipasabot nga kon unsa lang ang nagasto sa matag departamento sa mga nangaging katuigan, mao lang usab ang gigahinan karon.

Matod ni Oliva nga kasagaran sa mga buhatan kaniadto, ang mo-budget alang sa dugang ekipo o giplanuhan nga kalihukan, apan wa diay magamit, hinungdan nga karon wa na nila kini gipatuman.

“If you don’t plan properly the expenses of your budget, at the expense of your office, it means that you are not even planning for the whole office itself. Dili man gud na day to day transaction ang opisina kay if you do that, then the efficiency of government service will remain to be very low. We should already know unsay dapat nato buhaton as an office, kana mga isolated expenses that can be dealt with,” gipasabot ni Oliva sa mga tigbalita.

Dugang ni Oliva nga sa niaging tuig nga proposed budget alang sa 2018, niabot sa P4.7 bilyones kay lakip na unta niini ang utangon nga alang sa new government center, nga hangtud karon gikumbate pa sa konseho.

Wala na malakip alang sa 2019 proposed budget ang government center hinungdan nga balik sa P2.4 bilyones.

Adunay pag-us-os nga 12 ngadto sa 19 porsyento ang budget sa halos tanan nga buhatan.