Suwerte ang 2019 kay ‘Year of the Pig’

Well… 21 days to go na lang pasko na. Excited na mo? Kahibawo ko dili tanan happy karong paskoha. Apan hinumdumi nga ang kinabuhi maora ra og ligid. Usahay naa ka sa ibabaw ug usahay sa ubos. Kitang tanan moagi gyud ana bisan unsa pa kadatu o kakabus.

Just stay positive despite the odds. Kanang niabot ta aning pangidarona bonus na na. Di ba? Kalma lang kay mapupus na ang 2018.

Ang good news kay daghan ang mag-lechon karong bisperas sa bag-ong tuig kay year of the earth pig ang 2019.

Suwerte kuno ang earth pig kay matod pa sa the chinese zodiac:

2019 is a great year to make money, and a good year to invest! 2019 is going to be full of joy, a year of friendship and love for all the zodiac signs; an auspicious year because the Pig attracts success in all the spheres of life.”

Motuo mo? Tuo na lang aron madali! Haha..

FLOP GIHAPON Di ba naghisgot man ta sa miagi natong lindog nga human nahimong Philippines’ highest grossing film of all time ang “The Hows of Us” nilang Kathryn Bernardo ug Daniel Padilla nga dunay kita nga P1 billion, puros flop na ang tanang mga nisunod nga tagalog movie?

Bisan kadtong “First Love” nilang Aga Muhlach ug Bea Alonzo pag-October wa sad manimaho sa takilya.

Ug karon kini na sad “Three Words To Forever” nilang Sharon Cuneta ug Richard Gomez nga kon nakabantay mo, wa gyuy announcement ang Star Cinema kon pila na’y kita.

Ang ila rang giingon nga naka-P6.5 million sa opening day pero gamay gihapon considering nga Sharon movie gud na.

Adto na gyud na mobalik og kusog sa Metro Manila Film Festival karong pasko. Ug sama sa miaging katuigan ang pelikula gihapon ni Vice Ganda ang magNo. 1 sa box office. Agree?

CHRISTMAS PARTY

Nakadawat kog imbitasyon sa ABS-CBN-Manila aron motan-aw sa ilang Christmas Special sa Araneta Coliseum sa Dec. 11 ug sa ilang annual entertainment media Christmas party sa Dec. 12 nga ipahigayon kuno sa newly-opened ABS-CBN Studio sa Trinoma mall.

Siyempre libre tanan. Pero nibalibad lang ko kay basig mahinayak ta og kaon ug ma-high blood na sad. Haha… Bitaw, apiki lang gyud ta sa panahon. Kay kon nakabantay mo ako rang usa ang nagtikawtikaw dinhi.

Pero nanawag nako ang taga-Corporate Communications sa ABS-CBN-Manila ug nagpasalamat kay pirme kuno sila mobasa og Laysho. (Actually, sama sa GMA nag-monitor na sila sa atong gipangsuwat dinhi.)

Way sapayan, Sir! Christmas party sad diay karong gabii sa Sun.Star Cebu ug Superbalita Cebu. Advance Merry Christmas!