OPISYAL SA UP IMBESTIGAHON

Nanghulga sa mga players sa Ateneo sa Game 2 ugma

Ipaubos sa makuting imbestigasyon karon ang usa ka sakop sa Board of Regents sa University of the Philippines (UP) tungod sa iyang gi-post sa usa ka social media nga daw og sa nag-awhag og bayolenting aksiyon kalabot sa mainiton nga Ateneo-UP finals sa UAAP men;s basketball.

Sa iyang Facebook, si UP Regent Frederick “Spocky” Farolan nagkanayon nga dili makompleto ang Ateneo men’s basketball sa Game Two ugmang adlawa tungod kay tulo ka mga players niini ang ma-injured.

“Sayang hindi kumpleto ang players nga Ateneo sa Wednesday. Tatlo inured. Pili na kayo kung sinu-sino mga yon,” sigon sa iyang na-post.

Pipila ka mga netizens gibatig kahadlok ug kabalaka sa seguridad sa mga players sa Ateneo sa pangagpas nga tingali og unsay mahitabo kanila.

Sa niaging buwan ang sakop sa Upsilon Sigma Phi sa UP ug ang Alpha Phi Beta nagkarambola.

Hinuon gi-delete ni Farolan ang iyang gi-post ug mipasabot nga usa lang ka pangumediya ug pakatawa ang iyang gihimo.

Tungod sa iyang gihimo, si UP president Danilo Concepcion mibutyag nga makighimamat gilayon siya sa Board of Regents aron tukion kining maong kontrobersiya. Iyang gipasabot nga way labot ang kinatibuk-ang komunidad sa UP ug wa kini mag-representar sa value sa maong unibersidad ang gi-post ni Farolan apan mohimo kini og halawom nga imbestigasyon.

Si Senador Francis Pangilinan, produkto usab sa UP, nasagmuyo kalabot niini nanawagan nga paluwaton si Farolan isip sakop sa UP Board of Regents.