Azkals naunhan sa Vietnam; mobawos karong Huwebes
Nasugamak ang host Philippine Azkals sa kapildihan batok sa Vietnam, 2-1, sa 1st leg sa ilang semi-final match-up sa 2018 AFF Suzuki Cup niadtong Dominggo sa gabii sa Panaad Stadium sa Bacolod City.
Sa ika-12 nga minutos, unang nakapuntos ang Vietnam pinaagi sa header ni Nguyen Anh Duc nga nagpasulbong sa bola paingon sa goal diin igo na lang sa pagtan-aw ang goalkeeper sa Azkals nga si Michael Falkesgaard.
Hinuon sa wala pa ang halftime break, nakatabla ang Azkals pinaagi sa goal ni Patrick Reichelt gikan sa pasa ni skipper Phil Younghusband.
Makasaysayon kining maong goal sa Azkals tungod kay mao kini ang labing una nilang nahimo sa semi-finals sa torneyo sukad masukad.
Mao sab kini ang labing unang higayon nga adunay naka-goal batok sa Vietnam ning maong torneyo. Sa sayong bahin sa 2nd
half, ang Vietnam mibuak sa panagtabla, 2-1, pinaagi sa goal ni Phan Van Duc sa ika48
minutos.
Adunay mga higayon nga ming-aksyon sa Azkals sa pagtabla sa duwa apan kanunay kining mabaraw sa goal
keeper sa Vietnam.
“I think we played rather well,”
asoy ni Philippines coach SvenGoran Eriksson sa interbyu sa www.abs-cbnnews.com.
Sa 2nd leg, ang Azkals moasdang sa balwarte sa Vietnam karong Huwebes didto sa Hanoi.
Nagkinahanglan lang kini nga makaposte og usa ka puntos nga labaw aron masulod sa finals.