Abi ko ug kita

Dear Papa Joe,

Tawga lang kog Pausto, 22 ang pangidaron, taga Mandaue. Actually taga Negros jud ko, diri lang ko nag work.

Ang akong suliran bahin sa akong gugma nga di nako masolti sa akong ka workmate. Tawaga lang siya sa ngalan nga Iret. Kini si Iret, Papa Joe, love kaayo nako. Kon unsa iyang gusto, tumanon nako. Pero karon akong nabal an naa na diay siyay uyab. Gipa ilaila pa jud ko niya.

Sakit kaayo kay gibuhat nako tanan. Giuna nako siya sa tanan para lang sa iyang kalipay. Karon wala ko kabalo unsay buhaton nako, mosulti ba ko niya sa about sa akong feelings nga gihigugma nako siya o dili na lang. Please tambagi ko.

PAUSTO

Pausto,

Di man sad ma blame nimo ang babaye nga gibuhat nimo tanan kay una, wa man sad ka mopadayag niya nga gibuhat nimo ang makalipay niya tungod kay nahigugma ka niya. Wala gani ta masayud sa pagsulti palang nimo niya sa imong gibati kay mopalayo siya nimo kay may uyab na siya.

Siyempre, kon naay ihatag nimo nga butang o pabor, ikalipay gyud na niya. Sa akong tan aw nakabantay nana siya sa imong gibati mao nga para mahunong ka lang, mao na iyang gipailaila nimo iyang uyab. Ambot lang sad uyab ba niya gyud to nga syaro wa ka kabantay dayon o ba kaha challenge nimo ug gitan-aw niya inyong relasyon kon makabalo ka na nga may uyab siya naa pa ba ka.

Ako nimo sultii siya sa imong gibati pero di sa pina aagi nga manguyab ka. Prankahan nimo siya nga naka gusto ka niya mao nabuhat to nimo. Pero unsaon pa man may uyab kana. Ana lang gud basin pa mabali ang hangin ug pareho ra diay mo og pagbati.

PAPA JOE