Gustong makaanak

Dear Papa Joe,

Tawga lang ko sa ngalan nga Riza, 22 anyos, usa ko ka tomboy ug mao ni akong suliran.

Naa koy ka live-in ron nga 26 years ug 3 years na mi. Maayo man ang dagan sa among relasyon. We both love each other. Ang ako lang problema kay gusto lagi mi magkaanak pero di siya pwede kay at young age nakuhaan na siya og matres kay nag dunay myoma. Kataw-anan pero niabot gyud sa punto nga naka ingon siya nga ako na lang ang magmabdos. Sa tinuod lang, okay ra man nako mamabdos, mahimo nga gawasanan sa anak, pero di ko gusto nga naa koy kontak sa lalake. Gusto ko nga mahimong surrogate mother kay di gyud nako makaya makighilawas og lalake. Nakuyawan sad ko basin na hinuon makauyon ko ug nga mausab na hinuon tanan. Di sad ko ganahan og ordinary nga lalake nga mahimo nga tag-iya sa binhi nga itanom nako. Kana gyung misteso.

Mao ni akong suliran karon kon unsaon ang paagi ana ug pila kahay magasto? Palihug tambagi ko.

RIZA Riza,

Naka-encounter ko ani nga same problem sa radio ug naay ni comment nga ang IVF kun In vitro fertilization kay modagan ang gasto daw og P800,000 to P1 million. Pero kon kaya ninyo nga na-amount o duda mo mas maayo moadto gyud mo og doktor. Tinuod sad imong gikahadlukan basin mausab imong pagbati kon direkta ang pagbuhat. Gawas pa gyud ana, kuyaw sad og way mamugna ug di mo kamao mo tayming, magbalikbalik ang donor kuyaw mahugaw.

Bitaw, regardless sa inyong relasyon, mas maayo man sad nga naa moy plano kay di ra ba mo magkabata pero og di kaya manganak, well mangadap. Basin gihimo mong instrument para matagaan og ginikanan ang naa sa orphanage. Daghang salamat.

PAPA JOE