PAGLAYA NI BONG REVILLA SUPORTADO
Gi-abswelto sa Sandiganbayan si kanhi Senador Bong Revilla Jr., gumikan sa kakuwang sa mga ebedinsya nga gi-presentar sa prosecution may labot sa kasong plunder nga iyang giatubang diin siya gipriso og upat ka tuig.
Dili na ikahibulong nga ma’abswelto sa kaso kay ni sipsip man og maayo sa administration. - Nick Justiniani
Uyon ko sa pag-abswelto sa kaso niya nga plunder kay kanhi Senador Bong Revilla gi-pulitika raman to sa administrasyong Aquino. Numero uno baya ni sa pagka senador unya gihungihong nga modagan og presidente unya gidali ni Aquino pagpapriso unya mismo ang iyang mga tawo nakadawat sab sa pork barrel which is unconstitutional ang pag-apud- matod sa Korte Suprema. -Lebro Aye Cejano
Sa mata sa katawhan abswelto ka pero sa mata sa Diyos hindi mo matago buwaya. -Danilo Alcantara Erana
Gibotang botangan lang na og kaso sa panahon ni Aquino kay hadlok sila ni Bong revilla nga maoy modagan sa pagka-presidente kay sigurado gyud nga pildi ang kontra kay sikat nang daan mura ba ni FPJ. Mao nga giapil siya sa kaso ni Napoles nga ang isa sa ilang gihimong ebidensya ang mga resthouse ug mansion ni Revilla nga mao kuno toy ginansya sa PDAF niya nga natukod na sa wala pa siya ma senador. -Josh Santana
SB sakto na abswelto siya. Sa panahon ng mga dilawan basta mo kontra sa ila may pag lalagyan. Ang totoong magnanakaw sa kaban ng bayan ang nagpakulong sa kanila. -Someh Ottie
Sos ingna lang gyud nga walay kompiyansa ang mga Aquino nila Enrile, Jinggoy ug Bong. Maong ilang gipapriso so karong gipagawas kulba-an na ang mga Aquino admin sauna. -Robert Seno Legara Munalem
Mas maayo pagawson ang criminal kaysa prisohon ang inosinte’ kini ang gisandigan sa hukom sa maong kaso. Ang kakuwang sa ebidensya maoy nakapaabswelto kaniya kay napamatud-an sa depensa nga peke ang mga pirma sa mga transakyon nga may ‘palaman’ ang pagpangawkaw nahipunting lamang sa duha nga mao sila Napoles ug Cambe nga nagtingkagol na sa bilanggoan kay nakonbikto. -Henyo Garcia
Basin og dili gyud igo ang mga ebedinsya nga magtudlo nga apil si Bong sa maong pork barrel scam, dili lalim ang ma-priso nga walay sala, Bisan og usa ka adlaw lang kay mura na kinig usa ka semana. Dili masukod nga depression ang imo bation,gani dili malikayan nga ang uban dili kaagwanta maghikog sulod sa selda. -Fredurst Oyoned