Enriquez four-peat king sa Cepca grand finals
Nakakulit og four-peat nga kalampusan si National Master Rogelio Enriquez Jr. sa 2018 Cebu Executives and Professionals Chess Association (Cepca) Grand Finals niadtong Dominggo sa Royale Cebu Estate sa Consolacion, Cebu.
Ang University of San Jose-Recoletos chess head coach sa high school ug college
levels mirehistro 10 puntos hikan sa 10 ka mga daog ug usa lang ka pilde.
Bugtong nakapilde sa 46 anyos nga si Enriquez mao si Joselito Loques sa 5th round.
Ang mga gipangpilde ni Enriquez mao sila si Dominador Salazar, Neal Amores, Percival Fiel, Arnolito Cadiz, Mario Bustillo, Joel Atillo ug Edilberto Velarde Jr.
Midaog sab si Enriquez batok nila ni Eduard dela Torre, Zilerstein Torres ug Richard Quano, kinsa wala nakatunga gumikan sa managlahing mga rason.
Miangkon sa ikaduhang dapit mao si Salazar, kinsa nakahipos og 9.0 puntos samtang ikatulo si Amores, kinsa adunay 8.0 puntos.
Ang top 3 winners nakadaog og P5,000, P3,000 ug P2,000.
Sa laing bahin, si Ruel Hortelano maoy mikampiyon sa Cepca Non-Qualifier B tournament dala ang 5.0 puntos. Nagsunod kang Hortelano mao sila si Ramil Fernandez ug Jonathan Canque nga pulos adunay 3.5 puntos.
Nagkanayon si Cepca president Jerry Maratas nga iyang gihulagway nga malampuson ang tuig 2018 alang sa Cepca diin nakapahigayon sila og
charitable activities ug chess tournaments.
“I believe this year is very positive for Cepca. We have a lot of activities and at the same time we did our monthly touranaments, grand finals and Boy Pestaño Memorial Open Chess Tournament in honor of the late Boy Pestaño who’s the heart and soul of Cepca,” pasabot ni Maratas.
Si Pestaño kanhi chelss col- umnist sa Sun.Star Cebu ug Sun.Star Superbalita. “We had charitable activities also wherein we donate chess equipments in a chess center. Overall the year has been very productive and we look forward for next year,” dugang ni Maratas.