■ PAWIKAN:
Gironda sa National Bureau of Investigation (NBI) 7, Department of Environment and Natural Resources (DENR) 7 ug Cebu City Prevention, Restoration, Order, Beautification, Enhancement (Probe) ang tigbaligya og mga karne sa pawikan sa Pasil, dakbayan sa Sugbo. Lima ka mga tawo ang ilang nadakpan.
Karne sa endangered species nga pawikan nasakmit sa buy-bust operation sa National Bureau of Investigation, Department of Environment and Natural Resources ug sa Cebu City Prevention, Restoration, Order, Beautification, Enhancement (PROBE) sa Brgy. Pasil, siyudad sa Sugbo. Moabot sa gibana-banang 5060 kilo ang karne sa lima ka mga pawikan nga nasakmit. Lima sab ka mga tawo ang nasikop sa operasyon.
Lima ka mga tawo nga maoy cashier, tigluto ug tig-serve sa gironda nga kan-anan nasikop ug gitakdang pasakaan og kasong kalapasan sa Wildlife Resource Protection Act.
Mga nasikop giila nga sila si Cresley Obatay, Donesa Obatay Bustamante, Ariesteo Pableo, Julio Abunta ug Clifford Obatay.
Duha ka buwan nga gipaubos sa surveillance sa NBI Environmental Crime Division, sa DENR, ug Cebu City Probe ang usa ka kan-anan sa F. Rallos street, Barangay Pasil, dakbayan sa Sugbo nga giingong padayon nga namaligya og karne ingun man linarang nga pawikan.
Gani matod sa Senior Ecosystem Management Specialist sa DENR, Rogelio Demelletes, Jr., una na silang naka-test buy og pawikan meat sa miaging buwan.
Gipaubos kini sa DNA sequencing, diin nasuta nga 100% nga iya kini sa pawikan nga usa ka endangered species.
Ang nasakmit kagahapon karne sa sea green turtle, usa ka matang sa pawikan.
“After we received the DNA result, immediately in coordination with the NBI Environmental Crime Division, the LGU Cebu and DENR Regional Office, kasama po ‘iyong Biodeversity Bureau, we created a team para i-implement, hulihin, at puntahan iyong mga taong nagbebenta ng mga pawikan. ”
Matod pa, gibaligya og tag-P200 ang matag kilo sa karne niini samtang P90 ang matag serve sa larang, nga dunay laing ngalan isip “power” tungod sa pagka-aphrodisiac niini kun pagana sa sex.
Sa ilang operasyon Martes sa bunta, Disyembre 11, moabot sa lima ka mga hiniwa-hiwa na nga pawikan nga gibana-banang moabot usab sa 50-60 kilos ang nasakmit.
Gikuha sab nila ang naluto na ang pawikan nga larang.
Gitug-an ni Demelletes nga ang usa sa mga nasakmit nga pawikan, na-tag na sa environment bureau sa Malaysia ug duna na kini tag nga naatiman nila kini sa maong nasud ug gibuhi-an na pagbalik sa kadagatan.
Wa swerteha kay na-ihaw siya dinhi sa Sugbo.
“Nag-buy bust kami ng kanilang pawikan na hindi luto. We prepared a marked money at nung naibigay na sa amin yong pawikan at nakuha na nila, sumugod na po yong buong team,” niingon si Demelletes.
Dugang niya, common knowledge na ang pagbaligya og pawikan meat sa Pasil ug daghan og mga parokyano.
Atol sa ilang operasyon, wala hinuon gi-apil sa pagdakop ang mga naabtan nilang nangaon niini.
“Masakit tanggapin na marami mga parokyano ang kumakain, dili lang ‘yong mga pribado pati na iyong nanunungkulan, kumakain diyan. Actually they can be held liable,” padayag ni Demelletes.
Matod sa agent on case gikan sa NBI Environmental Crime Division nga si Atty. Habeas Corpuz, nagdumili pagtug-an ang lima ka mga dinakpan kon kinsa ang tag-iya sa kan-anan ug asa gikan ang pawikan meat nga ilang ibaligya.