NAGPAILANG PULIS ARON MAKADUG OG MGA BABAYE
Gidakop ug gibalhog sa bilanggoan ang usa ka lalake nga Indonesian nga nipalit og uniporme sa pulis ug nagpakaaron-ingnon nga pulis aron makigdug og mga babaye.
Si Ari Septian Pratama, 21, niangkon sa kapulisan nga sud sa usa ka buwan na siya nga nagpailang pulis.
Nipalit usab siya og peke nga pusil nga sama og hitsura sa usa ka tinuod nga armas aron pulis siya nga tan-awon sa mga tawo.
Sa taho sa Herbivore News, si Pratama nitataw nga wa niya gamita ang uniporme sa pulis aron mangilkil sa mga tawo.
Apan ang kapulisan nisusi sa nadawat nga taho nga gigamit niini ang uniporme aron mangilkil sa duha ka mga babaye.
Siya nisaysay nga moabot na sa 10 ka mga babaye ang iyang gi-date ug ang ubang niini iyang nakadug nga nailad sa iyang pagpakaaron-ingnon nga pulis.
Apil sa iyang mga nailad kay mga doktor, nars, mga tinunan ug bisan gani usa ka babayeng pulis.
“Honestly, I didn't get money from them, but I slept with most of them. Some are even already engaged,” saysay ni Pratama. Siya nagpaila nga anak sa regional police chief sa Southeast Sulawesi ug doktor sa forensics.
Nabuking ang tinaguan ni Pratama dihang usa ka babaye ang nagpakisusi sa kapulisan kon tinuoray ba kini nga usa ka pulis.
Apan dihang nakumpirmar, nisumbong ang babaye sa kapulisan ug gipangita si Pratama nga nasikop sa tinuod nga mga pulis. /