Pasko sa kalisud
Morag di man tingali maayo ang tag P50 mil nga ihatag nga bonus ni Presidente Rodrigo Duterte, sa mga empleyado sa Malacañang.
Kini maoy pagpakita nga dunay gipalabi ang presidente.
Kadagko og suweldo ana nila ug unya tagaan pa og dagkong bonus.
Asa man ang hustisya ana alang sa mga pobre ?
Sila maoy angayan nga tagaan og pagtagad sa Malacañang. Bisan man lang unta sa pagsaulog sa Pasko.
Ang mga kabus tagsa ra intawon makatilaw ug lami. Naay pamilya maayo nalang ug nakakaon ug ka-tulo sa usa ka adlaw.
Atong paaboton sa pamasin nga adunay gitagana nga ihatag ang presidente para sa mga pobre.
Di sayon ang pagkabutang kanila sa pagkakaron tungod sa kamahal sa palaliton. Bisan og naay makuot apan dili man kuwarta . Kuot man sa baho sa way kaligo nga kabus nga nagkalisud.
Bisan baho apan lami man lang gihapon alang kanila . Akong buot pasabot sud-an nga ginamos.
Kay ang katawhan nagpasko sa kalisud. Mimahal ang tanang palitunon ilabi na ang mga pagkaon para sa Pasko.
Kapait naman lang sa pagka butang kanatong mga kabus!
IKA-6 NGA DISTRITO
Tungason tuod kaayo ang tahas ni Atty. Baldomero Estenzo kandidato sa pagka kongresista sa ika-unom nga distrito.
Giangkon ni Estenzo atol sa
interview ang ka organisado ug kalig-on sa iyang kontra nga si Lollipop Ouano Dizon.
Apan di sab angayang molugak si Dizon, kay anaa sab kini mga tigpaluyo si Estenzo. Ang mga estudyante ug ginikanan sa eskuwelahan nga kanhi gialagaran.
MIREKLAMO SI RADAZA
Pabor ko sa Philippine National Police ( PNP ) sa pagbutang sa siyudad sa Lapu-Lapu sa Election Watchlist Areas (Ewas) bisag mikisikisi si Mayor Paz Radaza.
Kay matod ni Radaza, way nahitabong kagubot sa ilang siyudad sa miaging election.
Mayor, ato pa diayng paabuton nga dunay mahitabong kagubot?
Unsa ka tinuod ang nadawat nakong pasangil gikan sa mga tawo nga adunay terorismong kalihukan panahon sa election?
Kon imong sabton mora man og nahadlok si Radaza nga mosumbalik ngadto kanila ang mga panghitabo nga gipasangil batok kanila?
Limpyo man kaha og apil na imong konsensya ? Dawata nalang ang Ewas ug ayaw anang iwas sa Tagalog term pa. (KJanang paglikay). Pastilan aning mga pulitikong dunay gipangtagoan!
Para nako, nagpabor sa mga lugar dinhi sa Sugbo nga gibutang sa PNP sa Ewas. Email: efrenlonzon71@gmail.com Twxt: 09235562777