Direk Paul ug Toni movie producers na

Manila - Nakatsikahan namo si Direk Paul Soriano sa iyang opisina sa Makati niadtong Lunes, Disyembre 10.

Akong nasuta nga ang pelikulang “Mary, Marry Me,” nga entry sa Ten17 Production sa Metro Manila Film Festival this year, dili diay siya ang director kundi si Direk RC delos Reyes.

Silang duha ni Toni Gonzaga ang producers niini ug desisyun ni Direk Paul nga dili niya pwedeng idirek si Toni this time. Although si Direk Paul ang director ni Toni sa pelikulang Way Back Home ug didto sila nagkahimamat.

Light comedy-drama ang “Mary, Marry Me” diin kauban usab si Alex Gonzaga, Sam Milby ug uban pa.

Mag-sisters sad ang role ni Alex ug Toni sa pelikula ug pareho silang mahilambigit sa character ni Sam Milby.

Last year, may entry sad sa MMFF ang Ten17, ang Siargao starring Jericho Rosales and Jasmine Curtis.

Congratulations sa Cebu delegates for the Miss Teen Princess Philippines, usa ka national search diin ang mga mananaog ipadala sa ubang nasud to represent the Philippines.

Sila mao si: Teen Princess Philippines Kasley Malaika Libres, Cebu; Pre Teen Princess Philippines Jasley Van Hemelen, Cebu City; 1st runner-up Lindtsey Stacey Aubrey Sevilleja, Nueva Vizcaya; ug 2nd runner-up Danica Louisa Lonzaga, Las Piñas.

Ang maong indigay sa katahom gihatod sa Glamore Productions spearheaded by sisters Maan Cueto Aris and Dianne Nagasaka.

Ang coronation night was held at the Penthouse of Madison 101 Hotel + Tower, Quezon City niadtong December 9.