Unsay imohang gusto nga pinaskuhan gikan sa imong hinigugma o pamilya?

Rhoy Gamboa Indig

Pinaka the best unta nga gift gikan sa ako asawa kay dili nako palabhun, dili na papangahuyon, dili na nako pahakuton og tubig, dayon dili na bawalan nga mag-inom.

Aliel Gomez

Usa ra jud akong pangandoy karong

Pasko nga unta maabot karong

2019 nga dili lisod, way away, kompleto among pamilya ug magbinuotan na akong bana. Aron hapsay ug abunda among pagpuyo. Mao ra jud na.

Krishia Delector Flores

Karong umaabot nga pasko, ang gusto ra jud nako nga pinaskohan mao ang pag selebrar og Pasko namong pamilayaha nga kompleto. Sa pagkakaron man gud, ga buwag-buwag mi sa akong mga igsuon ug naa nako ang among inahan nga dili na kakita. Kalipay na niya ang madunggan ming mga anak niya nga gatabi ug ang mga apo niya nga magduwa. Ug ako pud, gimingaw nako nga kompleto ming magsuon. Bahalag gamay ra ang handa as long as gakuyog ming tanan. Mao ra jud na akong gustong pangayoon. Pero lisod na mahitabo kay aduna na kamiy tagsa-tagsang pamilya ug lain-laing priorities. Pero unta madungog Niya ang akong mga pag ampo para sa kalipay sa akong inahan.

Cherry Santos

Akong gusto na pinaskuhan gikan sa akong hinigugma or pamilya kay libre na noche buena kay kapoy kaayo sigeg luto kada pasko. Nindot unta mag relax na pud samtang gapaabot sa Christmas Eve og di busy sige pa hikay sa kusina kay ako ray kusinera sa among balay.

Vangie Silinduran

Ang gusto nako karong umaabot nga Pasko kay simple lang kaayo hatagan ko og taas nga kinabuhi sa kahitas-an. Para sa akong anak.

Jul Lamanilao

Bahalag di ko mahatagan og pinaskohan basta maayo lang among lawas permi ug permi me magkasinabot kauban among mga bata healthy me kaluy-an sa Ginoo sa tanang higayon.

Joanne C. M. Codilla

Magsinabtanay, paghigugmaay maghiusa sa usag-usa ug kalinaw sa pamilya labaw sa tanan dili kalimtan si Lord. Mao rana akong gipangayo sa akong pamilya.

Jocelyn Telebangco Gomez

Ang akoa dili ko magkinahanglan materialistic.

Ang ako kay nga sa kanunay maayo lawas tanan. Mag-usa sa pagsaulog sa adlaw natawhan sa balaang Ginoong Jesus.

Rengie Barillo Dicdican

Kung about sa butang bisag unsa. Pero about sa pamilya ug hinigugma mag tapok lang ming tanan happy na akong Christmas, mas importante nako sila.

Roel Martinez Bering

Gusto nako nga malipayon lang me sa akong pamilya bisan pa man og dili nako mahatag ang gusto nilang regalo karong Pasko. Ang ako lang nga walay masakit sa akong mga anak labaw na sa ako asawa na misabot sa ako kinitaan isip gwardiya.