MGA PUJ SAKYAG PULIS

“Pasaherong Pulis” gilusad sa Biyernes sa buntag, Disyembre 21 sa dakbayan sa Mandaue, diin mismo ang director sa Mandaue City Police Office, Police Senior Supt. Julian Entoma ang nangulo.

Dungan na usab kini sa iyang pagsusi sa mga terminal. Apan dagsa sa mga mang-uliay sa amihanang bahin sa Sugbo gihulagway sa supervisor sa Cebu North Bus Terminal (CNBT) nga menus og 50 porsyento itandi sa niaging tuig.

Aron sa pagpasidaan sa mga mamauliay sa ilang tagsa ka lungsod sa amihanan nga bahin sa Sugbo, nangunay ang pangu sa kapulisan sa dakbayan sa Mandaue sa pagsusi sa Cebu North Bus terminal, kalabot sa seguridad sa mga pasahero, kagahapon.

Nagpasidaan usab si Entoma sa mga manakayay alang sa mas luwas nga pagpauli ug pagbakasyon.

Gawas sa iyang pagpamulong sud sa mga bus ug pagpahimangno sa mga bus

driver sa ilang pagmaneho, niapud-apod usab siya uban ang mga sakop sa Police Relations Office, og flyers alang sa

safety tips malikay sa nagkadaiyang krimen ug disgrasya tungod sa paggamit og pabuto.

Nabantayan niya nga menos lang ang pasahero nga nagabot-abot sa CNBT kagahapon.

Mao usab kini ang obserbasyon sa supervisor sa CNBT, Nemesio Lumapac.

“Sa ako lang estimate, sa niaging tuig, 18 pa lang grabe na ang abot sa mga tawo. Mga 20,000, karon mga 10,000 ra man. Basin tungod kay crisis na gyud, or mas daghan nanag-iya og private vehicle,” gitug-an ni Lumapac sa Superbalita Cebu.

Gituyo usab ni Entoma ang terminal sa mga pampasaheruang jeepney, ug nisakay sa jeep atol sa ilang paglusad usab sa ‘Pasaherong’ Pulis’ nga programa.

Usa kini ka paagi nga mas masumpo ang nagkadaiyang klase sa kawat sa mga PUJ pinaagi sa random nga pagsakay sa mga pulis nga naka-uniform.

Himuon kini sa kada police station ug buddy-buddy system.

Gani pasundan usab kini og mga sakop sa tactical motor

riding unit (TMRU) aron di usab mabutang sa alanganin ang kaluwasan sa mga pulis ug mga pasahero.

“Kana atong pasaherong pulis padayon na siya mang-distribute og mga flyers ug mga safety tips kay di nato ikalimod nga duna gyud mabiktima usahay aning mga kawatan, pagpanguot. Gani naa tay reported nga biktima sa robbery sa Police station 1. Hinuon ato na nailhan og subject for follow-up,” gitug-an ni

Entoma. /