Batang piyer ako
Batang piyer ako.
Mga silingan ko ang mga ilaga Gikadulog ko ang mga uk-ok sa gabii. Mangihi, malibang kami bisan asa Maligo ako katunga ra sa baldeng tubig. Bilib ko sa mga ilaga ug mga uk-ok Makakaon sila nga may mga lapok
Ang ilang mga kamot.
Hugaw kuno, kagaw kuno
Wa ko hisabti.
Apan dihang nakapuyo na ko
Sa laing dapit haduol sa simbahan Nagkaon na ko nga limpiyo ang kamot ko. Mitunol na kog mga sensilyo
Sa nagbukhad nga mga palad.
May mibuyag ug miingon: “Maanad sila!” Maanad nga magpakilimos?
Apan gigutom sila, nasakit,
Wa pay gobyerno, wa pay simbahan Nga makasabot kanila. Ambot kanus-a pa? Bisan may nabuang ug may himalatyon Misanay sila, misanay sab ang lainlaing
mga bisyo.
Wa sila motrabaho sa paghimog mga trapo Sa pagpamilit og mga kinhason sa usa ka
karton,
Bayinte singko senttabos ra ang suhol sa
matag usa.
Daginuton kaayo ang kita, makagutom
gihapon.
Ang akong pamilya nanginabuhi niini
kaniadto
Mao nga milimos ako kanila kaysa ilang
kuuton
Ang mga bulsa ko ug dunggabon pa sa
ilang hinagiban.
Kinsay modupa ug manalipod kanako? Ang gobyerno? Ang simbahan? Batang piyer ako ug nasayod ako sa
kinabuhi
Sa mga silingan kong mga ilaga ug mga
uk-ok.