Kaliwat ni Lapu-lapu ug Dagami
Si Lapu-lapu mihiusa sa mga Oponganon pagbuntog sa Katsila Ferdinand Magellan. Mao nga ang kaliwat ni Lapulapu mao ra say mag-atbang panahon sa politika. Dugayng katuigan gidumala sa mga Radaza. Karon maoy miparang si Ahong Chan, kapitan sa Pajo. Si Boy nga mobalik pagdagan og mayor namansahan sa medicine scam, clean and green scam, ghost payroll, computer scam ug lamp post scam. Si Paz gitumbok sa pagkabangkarota sa Rural Bank of Subangdaku, Inc. nga maoy nagdumala ug nasuspenso og tulo ka bulan sa pagkalambigit sa 15M pesos salapi sa Girls Scout-Cebu Chapter nga siyay treasurer. Unsa pod ning 25 ka CCTV nga 500,000 pesos matag usa nga mapalit lang diay og 59,000 pesos nga susama rag kalidad. Gipangitaan sa housing sa Kalawisan nga dugay nang gitugyan ang gahin gikan sa National Housing ug ang wala malihok nga 3.5 ektarya nga relocation site sa Punta Engaño human makautang og 2M pesos sa NHA sa 2008.
Sa pagdaog ni Pres.Noynoy Aquino mikalit og tabok sa LP ilang giilogan si Jun Pelaez. Sa pagdaog ni Pres. Rodrigo Duterte mibalitok sa PDP-Laban apan nangluod kay si Chan maoy gisabak sa Malacañang. Lig-on ra ba og katambayayong si Chan kay si Dr. Celsie Sitoy ang iyang running mate batok ni Harry Ra- daza. Kinto ang mga durugista ni Chan kay maoy nangunayg pasirit og pintal sa bong-bong nga “kini balay poloy-anan, dili suyopanan”.
Si Dagami nga maoy Chief sa Gabi, Cordova maoy misunod sa kawsa ug kaisog ni Lapu-lapu. Nasilag sa presensya sa delegasyon sa Katsila Miguel Lopez de Legaspi nga midunggo sa baybayon sa Sugbo. Uban sa 16 ka mga sakop ug laing upat ka mga Chief sa balangay ilang gilipot pagpatay si Pedro de Arana nga usa sa mga kauban ni Legaspi. Mao nga dili gusto ang taga Cordova nga dunay masaag sa lungsod. Balwarte sa mga Sitoy ang Cordova kon hisgotan na ang pangalagad. Gikan nila ni Mayor Addy, Celsie, Arleih ug karon Tetchie Sitoy-Cho. Diha kadtoy gi-disqualify nga midagan og mayor, Wakie Salud, kay wala magpuyo sa Cordova. Karon kasong disqualification gisang-at batok sa modagan og mayor Pabling Villaver kay wala magpuyo sa Cordova. Mao sab ang laing mogadan og mayor Rodrigo Jomao-as nga nagsagubang og disqualification kay napakyas pagbotar og duha ka higayon kay tua magpuyo sa Davao. Motunga lag eleksyon. Mora silag langgam himpisaw nga mopakita lang og tingbagyo. Hinuon dunay nagpapuli. Running mate ni Cho si Em-em Sitoy.
Amo silang giawhag adto sa San Nicolas (Elementary School). Kon dili adto ba sa Sawang Calero nga gym. Unya gilayoan gyud sila. Maong wa gyud sila nangadto. Ang uban nibalhin sa ilang mga paryente.” - Duljo Fatima Barangay Captain Elmer Abella sa pagpabalhin nila sa mga nasunogan samtang nag-angat ang bagyong Usman