Regine nag-unang showbiz newsmaker sa 2018
Ang pagbalhin ni Asia’s Songbird Regine Velasquez-Alcasid sa ABS-CBN ang usa sa gihisgutan sa show business karong tuiga.
Oktubre ning tuiga dihang gi-welcome sa kadagkuan sa maong network si Regine pinaagi sa usa ka red carpet.
Usa sa mainstay ang singer sa “Asap Natin ‘To” ug gikatakda nga mo-host sa “Idol Philippines” nga magsugod sa 2019.
COCO MARTIN
Susama sa aksyon nga mga eksena sa top rating nga “Probinsiyano” nabalaka usab ang mga fans ni Coco Martin dihang aduna’y wa masabti ang Philippine National Police (PNP) sa dagan sa estorya sa maong teleserye.
Apan human magkaestorya ang kadagkuan sa maong teleserye ug ang PNP, nakasinabtanay ra kini.
JOHN LLOYD UG ELLEN
Tungod sa gugma, mas gipili sa celebrity couple nga motak-om ug biyaan ang showbiz alang sa ilahang relasyon.
Daghan ang nakurat ug daghan ang bilib sa duha nga ilahang gibiyaan ang tagsa-tagsa ka mga malampuson nga career.
Hangtod karon wala’y interview nga gitugotan ang duha.
GARY V Nagmalampuson sa iyang open heart surgery ang 53-anyos nga singer kinsa nibutyag usab nga cancer free kini sa kidney cancer.
Mayo ning tuiga dihang nipaubos sa surgery ang beterano nga singer.
KATHNIEL
Usa sa giisip nga box office hit ang salida ni Kathryn Bernardo ug Daniel Padilla nga “The Hows Us.”
Nakaangkon og P900 milyon nga worldwide gross ang maong salida nga giderik ni Cathy Garcia-Molina.
JADINE
Suportado gihapon sa mga fans sa JaDine sa gikatakda nga proyekto nga dili na kauban ang James Reid ug Nadine Lustre.
Anaa’y special role si Nadine sa salide ni James nga “Pedro Penduko.”
Samtang si Carlo Aquino usab ang pares ni Nadine sa bag-ong salida niini.
LIZA SOBERANO
Daghan gihapon ang gaatang sa “Darna” nga proyekto ni Liza Soberano.
Nag-ilis na ni og direktor gikan ni Erik Matti ngadto kang Jerrold Tarog. /