AWAY MADAYON: PACQUIAO
Taliwala sa wala damhang kakulian nga miabot, gipaneguro ni world eight-division boxing champion ug kasamtangang World Boxing Association (WBA) welterweight king Manny Pacquiao nga madayon ang ilang away ni Adrien Broner karong Enero 19 sa Las Vegas.
Giangkon ni Pacquiao nga si Broner, kinsa usa aka AfricanAmerican, napriso sa Broward Country, Florida tungod sa kasong adunay kalambigitan sa pag-drive og sakyanan nga wala’y lisensya ug wala’y rehistro.
Apan giklaro sa Pambansang Kamao sa Pilipinas nga nakagawas ra dayon si Broner pinaagi
sa pagbayad og piyansa.
“The fight is a go. Broner was arrested for another brush with the law but he was able to post
bail,” matod ni Pacquiao sa interbyu sa TMZ Sports nga napatik sa www.philboxing.com.
Giklaro ni Pacquiao nga wala siya’y gibati bisan gamayng kabalaka human niya nasayri
ang nahitabo kang Broner.
“I believe Broner is professional. He knows what is at stake in this fight. So, I’m not worried about him. He will show up during the fight,” pasabot ni Pacquiao, kinsa kasamtangang hugot nga nagensayo sa Amerika.
Sa laing bahin, nagkanayon ang assistant strength ug conditioning coach nga si Nonoy Neri nga nakabawi na si Pacquiao gikan sa jet lag ug naa na kini sa saktong kondisyon.
Misayo si Pacquiao sa pag-training sa Amerika aron maanad daan ang iyang kay dugaydugay na sab siyang wala nakaaway ning maong nasod.