Bitik sa seminarista
Dear Noy Kulas,
Tagoa lang ko sa ngan nga Bat Girl. I’m a single mom. Ang akong problema is duha ang akong uyab. Ang usa seminarista while ang usa seaman.
Unsa nako nga uyab ang seaman kay classmate mi since college. Mga eight years na ang among relationship apan until now, wa pa siya maghisgot kon magminyo ba ming duha. Laay baya paabuton ang proposal nga dugay na unta niyang gisulti diri nako pero wa niya buhata. Nagsige na man hinun siya og padako sa ilang balay instead magtigom siya para namong duha.
Karon, akong na-meet ang usa ka seminarista nga gawas nga buotan, cute pa kaayo. Daghan ang gikilig ani niya kay gwapo ug bright, pero religious kaayo. Nagkaila-ila mi through mutual friends. Text text mi until nanguyab siya nako. Nagka close na mi og maayo ug wa na ko kapugong, ako siyang gisugot.
Pinangga kaayo ko niya. Ganahan ko sa iyang dinad-an ug nisamot ang akong kilig kay nikalit ra siya og propose, pero ako siyang giingnan nga di pa ko ready.
Nakahibaw siya nga naa koy uyab nga seaman, pero ready kuno siya nga makigminyo nako bisan di na ko virgin. Di kuno siya mag-mind bisan di na ko virgin kay love kaayo ko niya. Sa iyang ka buotan, wa ko niya hilabti. Kutob ra siya sa kiss sa aping nako.
Noy, unsa may akong buhaton? Wa na koy love sa seaman tungod kay wa siyay klaro kon magminyo ba mi o di. We are not getting younger. Please tambagi ko.
BAT GIRL
Bat Girl,
Maayo nga imo unang estoryahan ang imong unang uyab kon unsa may iyang mga plano alang ninyo. Basin wa ka lang makahibawo nga duna siyay surprise para nimo. Basin nagtigom pa siya og maayo alang sa inyong kasal ug uban pa. Hinuon, kanang 8 years medyo taas na gyud na sa relasyon. Iya usab nga gisultihan ka sa iyang mga plano alang ninyong duha.
Basin magmahay ka sama sa uban nga mga babaye nga nagpasulabi og maayo sa ilang pagbati, wa huna-hunaa ang future stability. Naa ka pa anang nagtungha pa samtang ang seaman stable na og job and income. Kay in the long run, financial stability importante kaayo sa usa ka pamilya.
Posible nga nabag-uhan ka lang sab sa seminarista kay kanunay mong magkita kay sa imong uyab nga seaman. Bitaw, huna-hunaag maayo una ang tanan. Ayaw diretsog sawom sa sitwasyon.