Globe mipasiugda og Boracay marine biodiversity workshop

Ang Globe Telecom inabagan sa Save Philippine Seas (SPS) mipahigayon og usa ka adlaw nga marine biodiversity workshop ngadto sa 30 ka business stakeholders nga naglakip sa hotel ug ubang business establishments sa Boracay.

Agig tubag sa mga partisipante sila misaad nga motuman sa mga paagi sa pagpanalipod sa kinaiyahan nga ilang nakat-unan atol sa maong workshop.

“We work with the community to promote environment-friendly practices so that collectively we can contribute to the UN Sustainable Development Goals (UN SDGs),” pamahayag ni Yoly Crisanto, Globe Chief Sustainability Officer / SVP for Corporate Communication.

Ang maong kalihokan gitambugan sa mga inilang marine expert nga si Haron Deo Vargas, Boracay Marine Biologist kinsa usa sa naningkamot nga maluwas ang mga pawikan sa maong kadagatan.

Pipila sa mga paagi nga giawha sa mga stakeholder sa pagtuman aron nga dili modaghan ang mga non-biodegrable waste mao ang paghatag og refillable nga sudlanan alang sa personal care product sa ilang guest diha sa hotels ug resorts, pag-agni sab nila nga magdala og kaugalingon nga reusable shopping bags ug gamit sa pagkaon.

Pagdili sa pagpanguha og bas, shells, corals, star fish ug uban pa nga himuong dekorasyon, gidili na sab ang pagpalupad og balloons ug lanterns.

Magsilbi kining ikaduha na kahigayon sa Globe nga mopasiugda og marine biodiversity workshops diha sa Boracay.