HABALHABAL GIPALUYOHAN

House Bill 6909 nila ni Kongresista Del Mar ug Rodrigo Abellanosa sa dakbayan sa Sugbo gisuportahan sa katawhan gumikan sa dakong tabang.

Uyon ko og Angkas ug habalhabal basta ang tanang driver naka rehistro sa Land Transportation Office ug City Hall, with proper identification and uniform kon asa sila nga cluster. -Gordon G. Kilat

Mouyon ko kay kini makatabang sa mga trabahante nga late na kaayo sa ilang tagsatagsa ka trabahoan ug sayon ra nato makit-an or masakyan sa kadalanan. Kadtong uban nga driver di unta magpasagad og pangayo sa pletihan kay naay uban mapugos nalag motor kay late bisan wala nay kwarta. -Alliver Fajardo

Uyon kaayo ko ani nga House Bill kay dili ra mga drivers ug ilang pamilya ang maka benepisyo ani, hasta ang ordinaryong mga commuters para maabot sila sa ilang destinasyon on time. Kahibalo na ta unsa ka traffic during office hours. So, dako ilang matabang. -Elcon Cabaral Concha

I strongly disagree for the legalization of motorcycle anywhere in urban areas in the Philippines. It only shows how poor our government in finding better mass transport system -Xeluahr Adicala Etretud

Uyon ko para dunay klarong taripa sa pletihan sa habalhabal kay sa karon pwerting mahala sa plete bisan duol ra ang padulngan (south bus terminal to Capitol P80). Ug kon dunay reklamo sa driver, dali ra sab ma subay tungod sa prangkisa. Sa panahon sab nga maka sugat og disgrasya dunay mapuslan nga insurance. -Renan Alangilan

Uyon sa Angkas ug supak alang sa mga habalhabal kay una, mahal ilang paningil sa plitehan. Ikaduha, dili maayo og approach ang ubang habalhabal drivers ug ang ikatulo, kasagaran sa mga involve aning mga aksidenti sa kadalanan ang habal² labi na aning tulis sa pasahero ug pagpanglugos. -Arniel Gino Cimafranca

Dugay na kaayo nga naay habal-habal ug bisag illegal kini, dili gyud ni sila mawala bisag unsaon pag pangdakop tungod sa demand. Meaning daghan kaayo manakay ani nila. Una, mas paspas ka maabot sa imong padulngan hilabi na kon traffic ug mas barato kay sa sa Grab/Uber. -Raissah Marie Guath

Mo uyon si oka. May’g pinugsanay ang pagsakay sa motor! Kon paminaw nimo delikado, pag porlun para safe. Kon mahal, mag jeep ka. Atong hunahunaon kon pila ka pamilya ang nakakaon sa pagpamasahero sa motor ug pila ka tawo natabangan para dili ma late sa ilang tunghaan ug trabahoan. -Abanto Janred