Superbalita, SunStar 2nd placer sa CMVC
Nalangkat sa hiniusang puwersa sa Superbalita Cebu ug SunStar Cebu ang ikaduhang luna sa bag-uhay lang nahuman nga Cebu Media Volleyball Club tournament niadtong Sabado, Enero 5 sa Harou Iwanaga Gym sa Urgello, Barangay Sambag 1, siyudad sa Sugbo.
Ang Superbalita Cebu ug SunStar Cebu maoy nakaharong sa The Freeman sa
championship, apan ang uwahi maoy nikampiyon human kini ningdaug og tulo human sa upat ka sets nga sangka.
Ang Superbalita Cebu ug SunStar Cebu gilangkuban nila ni team captain Chum Rey Cal, Robert Conrad Aniñon, Sheila Gravinez, Lesley Caminade-Vestil, Alan Tangcawan, Laureen Jean Mondoñedo-Inot, Nicko Tubo, Joyce Villaflor, Jonniefer Pacaña ug Marielou Radin.
Samtang ang The Freeman gipangulohan sa ilang team
captain nga si Decemay Padilla ug giayudahan nila ni Joeberth Ocao, Jaypee Lao, John Destacamento, Le Antojado, Kristine Quintas, Jean Marvette Demecillo, Grecar Nilles, Mylen Manto, Roel Javier, ug Robbie Taburnal.
Ang Cebu Daily News maoy niangkon sa ikatulong luna sa kompetisyon.
Ang champion sa tournament nakadawat og P15,000 nga ganti, P10,000 alang sa 2nd placer up P5,000 sa 3rd placer.
Nahimong posible ang torneyo gumikan sa suporta sa Visayan Electric Company (Veco), Skin 911, The Freeman ug Cebu Federation of Beat Journalists (CFBJ) ubos sa giya sa presidente nga si Mitchelle Palaubsanon. /