BABAYE NGA NA-COMA NANGANAK

Naghimo karon og pakisusi ang mga awtoridad sa Arizona sa Estados Unidos aron masayran kon nganong namabdos ug nanganak ang usa ka babaye nga na-coma sud na sa 14 ka tuig.

Gusto mahibaw-an sa kapulisan kon kinsa ang nipahimulos sa babaye nga pasyente sa Hacienda HealthCare sa Phoenix, USA.

Sumala sa report sa Arizona (AZ) Family nga gimantala sa Mirror News, ang babaye di- riyot malumos nga maoy hinungdan sa pagka-coma niini. Sigon sa maong news channel nga niadtong Disyembre 29 sa miaging tuig, natawo ang bata sa usa ka nursing facility sa Phoenix. Gidugang pa niini nga naa sa maayong kahimtang ang bata.

Way bisan usa ka staff sa HHC ang niangkon kon kinsa ang nihilabot sa pasyente ug ang amahan sa bata. Tungod sa nahitabo, gihigpitan ang seguridad sud sa mga lawak sa mga babaye nga mga pasyente.

Ang mga lalake nga staff nga naay tuyo sa maong mga lawak kinahanglan kuyogan og babaye nga empleyado kon mosud.

Ang tigpamaba sa pacilidad

nitugyan sa ilang chief executive officer sa pagtubag sa mga pangutana kabahin niini nga eskandalo.

“As a Healthcare provider, we cannot comment on any patient due to Federal and State privacy laws. Additionally, we cannot comment on any ongoing investigations,” dugang pa niini. Gipaneguro sa maong pacilidad nga ang kaluwasan sa ilang mga pasyente ug mga kliyente ang kanunay nga naguna sa ilang prayoridad.

Sila nipasalig usab nga andam sila motabang sa imbestigasyon sa mga awtoridad kalabot niini.

Gusto sa pamilya sa babaye nga manubag ang nag-amongamong niini.